黑白淡奶 x 美女廚神KIT MAK COOKING WORKSHOP

首先要非常多謝黑白淡奶嘅邀請，今日真係超級興奮，因為可以嚟到KITMAK STUDIO參加由黑白淡奶舉辦嘅COOKING WORKSHOP，可以跟美女廚神KIT MAK偷師，用黑白淡奶製作幾款簡單易整菜式呀~

活動開始之前，當然就係先了解我地嘅主角 - 黑白淡奶。

其實我都唔洗多介紹，我諗大家都一定對黑白淡奶有認識，我自己亦都參加過上次活動之後(按此重溫)，就開始轉用黑白淡奶嚟整甜品，由於黑白淡奶是採用新鮮牛奶製作的全脂淡奶，所以做出嚟嘅布甸都特別滑呀！

繼上一次破天方推出左獨立包裝之後，今次更推出170克嘅迷你罐裝，一次用一罐嚟製作甜品之餘，非常方便呀~

了解黑白淡奶之後，便到美女廚神KIT MAK出場，為我地示範以黑白淡奶製作美食啦~

首先第一款就係麥香奶茶~

簡簡單單幾種材料，加上幾個步驟，就可以飲用一杯香濃奶茶啦~

坦白講，我都真係唔多好奶茶，不過依一款奶茶真心覺得好飲，奶茶非常幼滑，加上有淡淡嘅麥茶同淡奶的奶香，真係滋味非常，我仲飲左兩杯添呀~

第二款美食就係香草士干~

士干之前都好想試整俾小小豬食，不過一見啲覆雜食譜就即刻放棄，不過今次見KIT整又好似好簡單，幾下就可以完成，真係令我有啲衝動整俾小小豬食呀~

此外，KIT仲為我地自製左蕃茄醬嚟點士干~

香草士干出爐啦，入口鬆軟又唔乾再配有迷迭香香味濃郁，口味非常特別~

配合埋個蕃茄醬嚟，真係勁好食呀~

之後就到海皇奶油珍寶麵包~

次次出街食飯我都係會叫白汁海鮮類食品，因為我非常鐘食依個餸。不過就因為怕麻煩，所以就未試過自己煮。今次見KIT幾下動作就完成，仲要係快靚正添~

係煮係款餸同時，KIT仲教左我地一個小技巧，就係利用雞湯，生粉水及黑白淡奶，就可以做出可快捷煮成嘅白汁。平時煮白汁都係用罐頭湯或者麵粉和牛奶嚟整，即刻肥多幾錢重啦！不過用左依個方法整，口味差唔多之餘仲少左那份油膩感。KIT仲介紹我地用依個汁嚟奶油津白，真係要搵日試下呀~

最後一款就係韓式蔬菜餅~

依個餸我覺得非常啱小朋友食，因為材料有蔬菜、豬肉同埋少少麵粉(即係澱粉質)，煎完之後又香又脆口，咁就係健康又好味嘅菜式呀~

其實我覺得KIT主理嘅菜式真係簡單好味又易整，對我依啲廚藝BB班嚟講真係一個大好消息，我一定會試整下依幾款菜式，等我扮下威先...哈哈哈！

除左依幾款之外，KIT仲為黑白淡奶設計左幾款菜式，同樣都係簡單又易整，有興趣朋友仔可以去睇下呀： www.eatmeitoday.com