HT 1/6th 夏羅古開盒報告

松本零士幾套較為香港人熟悉既作品，千年女王、銀河鐵道999和宇宙海賊夏羅古相信必入三甲，個人雖然都好鍾意千年女王和美達露，特別加上露雲娜主題曲和插曲後，千年女王更加成為經典中既經典卡通，但由於造型實在太相似（鐵男和車長某程度都似）,加上以女角為主，令本人反而偏愛有型有格既夏羅古船長。

有著海賊的惡名，卻帶領著愛干達號上的眾船員，為著正義而戰，這個亦正亦邪的男人，原著的漫畫造型略嫌柔弱，但這次改以CG重新塑造的新形象，沉鬱，智慧，正義，殺氣...，集於一身，真男人，香港漫畫個人覺得只有小說版既步驚雲或原著華英雄可比...。

講返隻HT Captain Halock,其實好抵玩，$1,3xx，平過而家M記啲咩Version 2 好好多，面相造型跟到足，皮褸，武器亦齊晒，加埋隻神鳥，可玩度極高，相反，週邊那張王座又千幾就真係唔捨得，寧願慳返等HT 出友紀螢，不過亦有師兄話試過坐低就爆咗呔，所以...，船長，企吓啦。

之前Play Arts 都出過隻，又係好鍾意，手工一樣好精細，兩隻拍埋一齊，無得輸！

資料來源 由 ultraman147 提供