【福岡限定】Q爆Donut~士多啤梨版

昨日驚喜找到「荔枝角D2 Place隱世平台」， 全因為我本來想到D2買日本空運抵港的動物冬甩， 今日終於要介紹主角出場啦！

十八動物冬甩， 其實已經賣了個多月， 我沒有食過， 本來亦不打算買，因為很怕冬甩加糖霜勁甜。

不過， 更執著的老仁， 亦有被攻陷的時候，  我正正被限定5日的「春之禮」特別版所吸引…

士多啤梨三色貓冬甩， 那大大粒福岡士多啤梨， 我想試好好好耐， 這正正就是我昨日去D2 Place的主要原因。

三色貓配上士多啤梨， 十足十戴了一頂聖誕帽一樣， Q爆…正呀！！！ 

我本來心大心細， 不知揀那款表情…(MWM無眼都幾過癮)…店員阿芝:「揀正常樣啦， 無眼唔係咁好睇…」花多眼亂， 有人建議就買吧， 選擇有時真的很麻煩。

特別版揀完， 我又回到一樓， 另外再買了三款普通版， 不過， 下午5點， 原來已經太遲， 18款動物只賣剩9款。 (乜真係咁多人鍾意食咩？？)

本來我想買實心版本的小雞， 但原來實心版本是超罕有， 所以已斷貨多時。 (店員話， 都唔知點解日本無返貨喎…)

結果， 我揀了「粉紅青蛙」， 「空心小雞」， 「三色貓普通版」。(因為我太姑寒， 唔捨得買晒， 所以問店員借了全員冬甩集郵了一張。)

之後店員會逐一每粒冬甩用蠟紙包好， 但特別版不能包， 於是她們千叮萬囑叫我小心， 不要翻側外賣盒。(嘩！！ 仲細心過我…)

不過， 其實這裡真的很日本， 賣冬甩對面， 正正有一間日系759， 全售日本零食， 靚到不得了， 不過價錢都…幾進取， 結果我只看， 不捨得買。

回家後， 我便砌出我的小小動物園， SY:「嘩！！好靚呀…我可以食未呀？？」

不過， 我買了4件冬甩合共$165， 所以一定要影過夠…我對囝說:「影完相畀你食啦！」， SY:「咁即係有排啦， 我睇一陣小丸子先。」(訓練有數係幾醒目喎…阿囝)

因為貪三色貓有三種味， 但回來又好像有少少後悔， 因為根本普通版及特別版的冬甩部份是一模一樣喎！ (好似蝕底咗咁…)

其實， 我真的不明白， 為何青蛙會是粉紅色呢？？ 不過， 因為我發現她的造型不得， 所以買回來啦…

影完又影…SY走來枱前:「食得未呀？？小丸子都做完啦…」， 吓！！ 原來我影了25分鐘， 不過好彩我有解釋:「店員姐姐話， 最好雪櫃攞出嚟要等20分鐘先好食， 唔會太硬喎！」

(真架…我無講大話， 只係我順便解釋給SY聽咋)， 之後我問SY想食那款， 我最初以為他會揀特別版， 誰知他竟然揀了粉紅青蛙。

我問他原因， 他說:「我都唔鍾意士多啤梨…粉紅色中間有個波得意啲！」， 結果， SY最愛就是中間那白朱古力波…果然是朱古力大使。

福岡士多啤梨是的超正， 甜美到不得了， 絶對沒有買錯。

最初最擔心冬甩會超甜， (似馬卡龍的恐佈)， 不過咬了第一口之後， 煩惱盡消， 就算最多糖霜的位置， 亦只是輕甜。 (真係食晒4個都亳無罪惡感。)

Ikumimama Doughnuts的冬甩與吃慣的Mister Donut的質感很不同， 有點似蛋糕仔的感覺， 所以食後好實在， 不會似Mister Donut的虛無飄渺。

空運抵港價錢都比較高級， 其實會不會考慮寄船呢？ 到時價錢應該可以便宜一半吧？？？