【銅鑼灣希慎】我與鹹蛋超人有個約會

早前係朋友仔嘅網誌見到有1:1嘅鹹蛋超人，剛好又約左好姊妹出銅鑼灣食放題，我地當然唔執輸去影轉啦~

其實依期銅鑼灣都可以話俾超人佔領左，當中最吸引嘅就一定係希慎廣場1:1超人，佢吸引程度真係每一位途人都會留低影相，我地都等左一陣先埋都位呀~

除左門口之外，大堂都有一個超人大戰怪獸嘅場景呀(唔好意思，由於我都對超人認識唔係太深，佢地叫咩名就真係唔知，只知道超人...怪獸...哈哈哈)~

其實場景內嘅小街道佈置都好仔細，基本上就係一個縮影銅鑼灣呀~

旁邊仲有一個Pop-Up-Store，有超人擺設同精品賣，不過對超人興趣不大，睇下就算了~

之後我地就轉戰四樓空中平台，因為只要即場Like佢地Facebook網頁，就可以有一款磁石貼拎走啦~

不過可能我地都算遲，所以得返依四款揀呀~

雖然唔知係咩公仔，不過我又點會唔放過拎小禮物機會，揀返個俾小小豬玩都好呀~

之後我地就去食晚餐，食飽之後又嚟玩過，今次我地就去左利舞臺廣場，同啲Q版超人影相啦~

嘩哈哈...我地兩個玩都冇嘢玩，係度扮同超人打交呀~

啲Q版超人真係好得意，個高度又應該同小小豬差唔多，如果小小豬係度一定同啲超人玩得仲開心呀！

其實除左依兩個地方之外，利園2期都有少少景點可以影相，不過因為我地玩得太晏，所以唔夠時間行去影，所以真係要計畫一下搵日帶小小豬嚟影返轉先得！