張惠雅Regen 到茜利妹及王利民主持的電台節目《利緣茜街》受訪，談到近年愛上跑步，由10公里進階到「半馬」，令整個人生觀都積極了不少，她謂：「我15歲簽公司，07年Hotcha出道後雖工作滿滿，但做藝人付出幾多同收獲不成正比，個人總係處於幻得幻失狀態，好辛苦好難平衡（心態）！但跑步就係一分耕耘一分收獲，付出幾多一定有回報，好有滿足感！」更大讚「肯雅徐」（徐濠縈）確實堅：「佢『全馬』個紀錄勁過好多男人呢！」更受阿徐感染，她接下來也會挑戰跑「全馬」（42公里馬拉松）。
與Regen年齡相差22載的王利民主席，也是因跑步而相交，因而建立了一段忘年友誼，當Regen得悉王主席與妻子相識相戀至結婚已28年！即時張大嘴巴dead air了好幾秒，她表示：「嘩！我想像唔到我同我伴侶會有咁長嘅相戀期呢！」
自從11年「一條冷」到澳洲流浪後，鍊大咗個膽，隨時隻身出走，較早前就揹起背囊到尼泊爾行山（全程四日三夜）：「最蝦碌係我著咗對跑鞋去（行山）！一路行先知出事，腳痛到冇晒知覺！好在沿途識咗啲外國朋友，佢地無條件送咗枝行山杖同其他裝備俾我，先可以行到尾！行山有情呀！」中途又患上高山症：「初時都未知，只係覺得行完一日山有啲攰，果晚有啲發燒，瞓醒又即刻行（山），點知行完一日燒得仲勁啲！原來已經係高山症！好在冇事！」
節目中，茜利妹又讓Regen選：「講『性』定『愛』，二揀一。」Regen當然揀「愛」，她概嘆：「我過往總係情路坎坷、遇人不淑，對方總係一腳踏兩船。」茜利妹又問：「你會係邊種女朋友？」Regen回應：「以前會比較矛盾，又黐身但又容易放棄，既認真但又冇信心。因為對方劈腿，我總會覺得佢最後唔會揀我，所以往往都係自己先抽身。」
說到婚姻，她道：「細個諗住自己會28歲結婚，但係依加26歲，我諗應該30歲後先會結婚。」又不諱言對婚姻仍有憧憬，縱然經歷過多次戀愛失敗。說到擇偶條件：「唔一定要中意跑步、行山、跳舞嘅。不過，如果有共同興趣就當然最好啦！哈哈...」說時難掩一顆躍動的少女心，紅都面晒。
