衛詩雅(Michelle)、湯怡(Kathy)早前齊齊應邀接拍VICHY護膚品廣告，廣告主題為「閨蜜有禮」，Michelle同Kathy在幕前合作多次，私底下更是好朋友，今次為VICHY再度合作拍攝廣告，拍攝時兩人非常合拍，令到拍攝過程暢順，導演大讚之餘，又比預期中早收工。
Michelle與Kathy私交甚篤，但卻從來沒有正式送禮物給對方，導演靈機一觸，索性安排兩位女神互相繪畫一幅畫送給對方，並趁著新春，以春天為主題，兩位分開兩張枱，各自在畫架上揮筆。
Kathy望著畫架，邊取靈感，邊說：「我繪晝唔叻，好想畫一紮玫瑰送給Michelle，希望佢嚟緊有更多好作品，好似玫瑰咁燦爛。」
正如Kathy所講畫功麻麻，最初時Kathy顯得有點雞手鴨腳，調顏料時因落水太多，顏色化在紙上，狼狽猛問：「點算呀？」Michelle馬上教她：「等到乾咗後，再補畫上去，水同顏料份量要平均。」
Michelle則畫了一個花園送給Kathy，解釋說：「花園裏有大樹，還有不同顏色鮮花，祝福她事業、愛情、生活好似這個花園多姿多采。」
