【Happy仔你好】開心樂園新朋友駕到 @ 麥當勞 McDonald's

一年一度麥當勞「開心樂園餐」聚會昨日舉行， 家中的薯條控小朋友， 聚會前兩個鐘就不停問:「行得未呀？？快啲出門口啦！！」(咁心急做乜？ 行去唔駛5分呀…老友)

早前我問PR姐姐:「今次係送咩公仔？？」PR姐姐電話答:「係全新人物， 好關於開心樂園餐嘅， 到時你就知…」(咁鬼神秘架…)

終於夠鐘入場， 哦！！原來今次主角是開心樂園餐個盒， 加上有手有腳， 有眼耳口鼻的公仔， 名叫「Happy」。

我跟SY說:「佢叫Happy仔喎」阿囝不停拉 Happy仔的紙手， 紙腳:「假架喎…唔係公仔嚟架， 係麥當勞個盒嚟架…」(我梗知係假啦…比啲幻想力得唔得小朋友)

即場可以有「Happy仔」眼鏡借， 於是我們即時變成Happy仔影張靚相。 (係喎！！點解今日無真人Happy呢？？... 其實我唔介意有埋個紅色盒身比我， 等我扮埋！！)

而今次開心樂園餐絕對破天荒， 不送玩具， 由3月13日起至4月2日， 會與海洋公園合作， 每星期隨開心樂園餐送一本「親親大自然」兒童故事書. 所以今日活動就以閱讀為主題。

三本故事書包括「澳洲歷險記」、「比賽的意外收穫」和「魚別亂吃」。

即場當然有故事姐姐講故事， 原來小朋友由2歲至7歲， 一見到有人講故事， 就會聚精會神聽聽聽， (嘩！！十個小朋友真係郁都唔郁)

故事姐姐說:「舉手」， 人人也即時舉手. (點解阿囝咁聽靚姐姐話呢？ 我平時講「影相」， 有人一定反駁:「又影？ 有咩咁好影呢？爸爸」)

另外， 3月13日起開心樂園餐有新食物選擇， 早餐加Mini雜菜蛋扭扭粉， 主餐加麥芝蛋飽， 配餐加士多啤梨乳酪。

正喎！！ 從此有扭扭粉食…(SY流晒口水就係乳酪)， 是不是小朋友都愛食乳酪呢？ 可愛到不得了的小小豬， 享受乳酪的樣子和阿囝也似到不得了。

今日聚會， 我還遇到魚子醬， 集郵爸爸當然不放過任何機會。 一望到2歲半的魚子醬， 乖乖坐在梳化上， 就令我回想起當年2歲半，  SY第一次參加N班同學仔， M記生日會的小BB模樣。 (時間駛唔駛過得咁快呀？？)

最後當然要來一幅大合照， 全員齊齊扮Happy仔啦！！

大仁生活facebook