金剛飛天鑽開盒報告

呢排真係太多金剛飛天鑽產品，收到貨都唔知收咩貨。Evolution Toys既磁石波太深入民心，擰盒嘢上手，起初真心讚咗，呢次真係抵食夾大件，但隨之而來係，點解價錢差不多，但上次既兒童樂園餐咁大隻又係咁上下價錢？

認真望吓個盒既設計，誤會咗又讚錯咗，呢戈個like應該係俾Action Toys既。呢半年，入咗ET復刻版，Acardia收購CMs既再版，加埋呢隻AT第一隻，合共三隻，各有特色。

AT和Acardia差不多大小，表面分別在於AT平成千蚊，但合金量少啲，又少隻飛馬，但同樣價錢，就還勝ET隻兒童樂園餐玩具，有朋友更加因ET呢隻超細飛又鑽，覺得受騙，深受傷害，表示以後唔買佢既產品。

AT呢款設中規中矩，較新穎既係背部裝置可以將對鑽裝上，另加一對大脾作蹲下姿勢替換，而且有個Display台，加上偷輕咗合金量，令到磁石波企得更穩陣，呢個價錢我接受，希望到時隻飛馬唔好太貴，三百零可接受，太貴又扯高返和Acardia既對比。