【羊年開口中】打爛沙盤問阿叔

同事M：「有冇食過大坑炳記奶茶， 豬扒麵..好鬼正架， 最近仲成條巷貼晒漫畫添。」

報章指陳奕迅也經常光顧， 說得如此吸引，於是我們就去大坑探炳記。

同事M：「你打個電話去先啦， 人哋可能未必開…」

誰知一踏入羊年就開口中…， (真係六合彩又唔見我中？)， 炳記年廿九一直休至新十一。

其實我一心想過來食豬扒麵， 25蚊咋..認真超值， 不知味道…是否如傳說中般驚為天人呢？ (哎呀！點解老闆唔開呀？...幅漫畫究竟係老闆定蔡蘭呢？？)

店身貼有一幅非常可愛的卡通水彩插畫， 正正就是平日奇門如市的情況， 原來是出自一位Mitsuko Onodera日本女插畫師的手筆。

繪畫當日為2013/11/12日， 原來識畫畫， 用筆記住當時情況， 真的浪漫到不得了。 (插畫下有E臣簽名， 係米即係陳奕迅？)

原來後巷貼了兩位藝術家， 「茶色金魚」及「Toki Cheung」的大作， 如果可以一邊食一邊睇就最好。

當我不停影影影之際， 我發現沒有了小朋友的聲音， 原來他坐了排檔的膠凳仔上. 我奇怪問:「小朋友， 你做咩呀？？」 SY:「我肚餓都唔識郁啦…」OK！現在即去食飯。

沒有得食炳記豬扒， 我們走到前面轉角， 奇門如市的祥勝解決午餐。

坐對面叔叔， 則整塊豬扒原卦不動流在碟上， 並自言自語:「點解今日咁差， 無味又唔腍。」， 我搭訕:「係咩？ 我又唔覺太差。」其時， 他的朋友:「你要求高啫， 你睇我又唔覺得有問題， 仲食晒啦， 好奄尖架你。」(老朋友一唱一和， 真有趣)

臨走前， 我發現遠處有張馬賽克， (E~係唔係Space Invaders大作呀？？) 結果原來是一張CookingMaMa。 (少少失望， 好彩我食咗無加一的祥勝， 這CookingMaMa新正頭要加15％服務費…真係襟住搶喎！)

最後， 兩父子來一個不合拍的士多合照，點解士多前會有一個蛋糕罐， 及四張凳呢？？ (最哀士多無開， 唔係我一定打爛沙盤問阿叔…)