台灣鳳梨酥大比併 @ 日出, 微熱山丘, 李儀, 佳德, 維格

3個月前(2014/12)走到中環「微熱山丘」香港店， 免費食過鳳梨酥後， 我決定一定要出一篇關於鳳梨酥的文， 再加上在香港專門出售台灣食品的小店協助， 終於促成了今次台灣鳳梨酥大比併。

今次出戰的由五個品牌， 分兩個陣營。

土鳳梨派代表有:

日出， 微熱山丘

加入冬瓜蓉的鳳梨酥代表有:

李儀， 佳德， 維格

來自「台北」的「微熱山丘」(土鳳梨)

眾多鳳梨酥品牌中最有風格， 最有年輕感， 並於台灣， 香港， 上海， 日本及新加坡都有免費試食服務。 (正到畀的體驗， 一得閒就要去中環免費嘆返吓)

如果你還未到過中環的微熱山丘店試食及歎過茶， 本仁強烈推介大家抽空一個下午去感受箇中優閒及舒適， 包你一定會為微熱山丘加分不少。

微熱山丘有分台灣版， 及香港版即(日版)的分別。港版用上夏季的菠蘿， 所以較甜。 (最啱我和SY口胃)， 微熱山丘是5款中最有絲絲菠蘿質感。

滿足感最強. 我覺得長條型設計， 突破傳統又有時代感， 起碼不會感覺食鳳梨酥很老套.

台灣版(微酸) 

好味道  : ★★★★★

菠蘿香  : ★★★

酥皮    :  偏實

SIZE    :(6.5 X３X2.75)CM

牛油產地:紐西蘭

香港版(令人歡笑的甜)

好味道  : ★★★★★★

菠蘿香  : ★★★★

酥皮    :  較台版更偏實

SIZE    : (6.5 X３X2.75)CM

牛油產地:法國

來自「台中」的「日出」(土鳳梨)

聞說這是台灣人土鳳梨的最愛品牌， 到過台中火車站總店的Vico說:「總店好靚， 十足十古舊圖書館一樣， 所以她們的鳳梨酥包裝十足十參考書一樣」

今次我買的一款則如同CD一樣， 內裡更附有明信片， 及一封如同情信的介紹書。 (包裝靚到我食完都唔捨得掉)

台灣人愛酸味的鳳梨酥， 不過並不合我口味， 這是5款鳳梨酥中最最最酸的一種， (因為我飲熱檸茶也要加3羹糖呀！)

(心酸的情歌)

好味道  : ★★★

菠蘿香  : ★★★

酥皮    :  夠軟

直徑X高 : 4.5CM X2CM　

「九份」手信「李儀」(含冬瓜蓉)

包裝頗老套， (近乎趕客)， 但跟旅行團到過台灣的香港人一定不陌生， 因為由導遊帶你去「九份」， 一定會叫你賣的「註明」手信。(哈！！即是澳門鉅記都唔一定最好食啦！！)

我估計除加入冬瓜蓉， 甜味亦一定加足料， 因為這是五款鳳梨酥中最甜。(我嗜甜也要快快飲杯水呀)

(甜到漏之選)

好味道  : ★★

菠蘿香  : ★★★★

酥皮    : 偏硬

直徑X高 : (4.45 X 4.45 X 2.5)CM　

1975年成立的「台北~佳德」

這是台灣人專揀含冬瓜蓉的鳳梨酥的首選， 同事一聽到我說「佳德」即搭嘴:「我上次去食蔓越莓及鳳黃酥，菠蘿配蛋黃正到我兩日食晒一盒12件」

不過今次只是比併原味， 正如同事說:「唔差， 但一定唔係最好， 因為係要配蔓越莓， 要配蛋黃先夠突出， 先至最完美...」(明白！！ 明白！！)， 佳德是繼「微熱山丘」後， 第二較多菠蘿絲的選擇。

(薄皮之選)

好味道  : ★★★★★

菠蘿香  : ★★★★

酥皮    : 軟

直徑X高 : (4.45 X 4.45 X 2.5)CM　

 大路的「維格」

維格是店員推介我的選擇， 我與阿囝都愛她的冬瓜蓉及鳳梨的比例， 皮又夠鬆， 而且是5款中最香的一款。

應該是看準香港人口味來造， 因為亦是導遊的手信推介貨。 味道好， 但內裡不太有菠蘿絲。 (我鍾意食老婆餅， 所以我都鍾意維格， 不過以鳳梨酥嚟講就有少少妹仔大過主人婆)

 (老婆餅之選)

好味道  : ★★★★★

菠蘿香  : ★★★★★

酥皮    : 鬆軟

直徑X高 : (4.5 X 4.5 X 2.5)CM　~不平均凹凸不平

註: 每盒維格都有獨立編號， 其實也十分攪笑， 莫非買中特別號碼有抽獎？？

總結:

小朋友經試食後揀了「維格」:「最好食！食極都唔厭」(梗係…你鍾意食甜嘢麻)

Vico揀「台版微熱山丘」:「因為台灣用一年四季嘅菠蘿， 所以可以每次都食到唔同味道， 而且我最鍾意佢入面一絲絲菠蘿肉， 好好食， 不過香港版太甜， 鍾意食鳳梨酥就係要食佢酸酸甜甜感覺」(E~咁我應該淨係鍾意食夏季喇...)

我則先入為主， 一早鎖定了「微熱山丘」， (無辦法， 你去過一次中環店試食...就簡直中了降一樣， 情不自禁愛上山丘)

土鳳梨一般只可以有約10-14日的食用限期， 所以好食都要快快食， 而傳統含冬瓜蓉的選擇則可以放3-4星期不等。