【地膽推介】長洲神級「芒果王」...竟難敵「情人鎖」魔力??

要食地道美食， 有時靠天書不如問地膽， 年初五入長洲前， 預先問了長洲長大， 「島中坊研」的Amy， 鳴謝提供今日三間超正美食是也.

大排檔「通記」， 街市熟食市場， Amy媽媽每日必嘆奶茶地方. 我們走到街市， 見佔舖位最多， 最多人光顧的就是「通記」.

店員忙過不停， 我們點了豬扒， 雞翼， 及豬潤. 另外阿太看到隔離枱有一杯橙汁類東西， 賣相好吸引， 店員說:「橙汁檸冰」 (唔駛諗…要要要)

估計這應該是粒粒橙汁加鮮檸檬， 酸酸甜甜， 第一次試夠新鮮感， 如果冰再少一點， 味度更濃就更正.

落單時本著搏一搏的心理， 估不到長洲的豬潤也有一定水準， 不差！！ 不差！！ 正過九龍好多好多食肆.

結帳時才正式可以與店員傾計， 她說:「E~你哋無叫沙嗲牛咩？ (無喎！點解咁問？) 好多人食， 幾出名架， (吓？妳唔早講， 今次已經食得好飽， 唯有下次再入嚟必必必試啦)

食飽飽後， 三口子就去了「關公忠義亭」學人賞櫻花， 詳情可以瀏覽: 今日櫻花燦爛 @ 關公忠義亭

賞櫻至大約4點15分， 我們又返回街市， 因為在熟食市場對面的「康蘭餅店」， 每日3點45分有新鮮出爐的「一口蛋撻」. (離遠己經聞到蛋香~)

雖然我們遲了30分鐘， 但老闆娘說:「無問題， 因為唔係日日準時3點45分， 今日就遲咗少少...」(真係天助我也…哈利路亞)

六元三件一口蛋撻， 絕對「無得輸」， 雖然我愛酥皮多一點， 但康蘭的牛油皮不會「硬掘掘」， 蛋味又夠濃， 一啖一口， 有「唔夠喉！！唔夠喉」感覺.

不過， 我們不可以添食， 因為還有下一站「芒果王」在等著我們去朝聖.

天后廟前的「芒果王」正碓名稱為「勝記小食」， 已經開業近3年， 近半年才搬到現址.

我們4點半到達， 人山人海， 人人也在等芒果糯米糍. 阿姐:「你要幾多舊， 講就得， 你排第6， 要等老闆即刻做呀！ 做好就叫你嚟， OK？ 」

今日算走運， 原來平日一般要下午3點才有糯米糍出售， 如果4點半一輪售罄就要等6點一輪.SY很急不及待， 要點芒果布甸， 而我則先來一碗芒果大菜糕. 

布甸完勝大菜糕， 因為芒果粒篏入布甸而成， 而我的大菜糕則芒果肉還肉， 大菜糕還糕， 難怪布甸未到5點又火速售罄.

記得去年阿太到長洲說:「去【允升】食芒果糯米糍...大熱...人人嚟長洲必食架.」其實， 今日食過「芒果王」之後， 簡直覺得浪費了去年的時間…

1/3塊芒果夾在薄無可薄的糯米皮內， 外型被形容為Mac機滑鼠一樣的美食， 簡直可以說理應天上有， 「食物喪志」應該就是這個糯米糍.

不過， 今次的冬天芒果未「當造」， 雖然有果香， 但味道偏淡， 所以我決定4月尾玩完包山後， 要買一打「當造」的回家慢慢嘆.

阿姐說:「外賣後2-3小時食一樣無問題」 ， 今次我們也買了兩件給朋友吃， 實行分甘同味...

食完芒果王， 我們就去探望手作朋友， 詳情可瀏覽:長洲情侶擋~拍擋賣手作 @ 島中坊研 ＆ 賣藝

之後我們發現長洲竟然也出現「情人鎖」鐵閘牆...又黃又紫又綠， 好靚呀！！

原來這是B＆B~ (長洲歐美式渡假旅館)的傑作， 在收銀櫃門外， 可以有五款不同顏色的鎖頭， $20有售.

我問女店員這玩意玩了多久， 她答:「3個月左右， 最高峰係情人節當日賣咗200個， 平日都係賣20個左右」

當阿囝努力寫心願之際， 我又向店員八卦一下， 其實我自己帶個鎖嚟得唔得呢？ 店員很有經驗的答:「我哋會剪走佢， 久唔久我就剪一次架」

店員表示如果是她們酒店的鎖就暫時會作永久擺存， 因為還有大量位置， 我們決定4月尾再來時， 看看我們的心願情人鎖會否仍在呢？

上船啦！！ 走啦！！ 趕船呀！！ 約了朋友吃晚飯... Yeah！！ 趕到剛剛準備開出的船...坐定定後...阿太問我:「買畀Patrick嗰兩個芒果王呢？」

(吓？？ 不是你負責嗎？) 失望的阿太痛心說:「SY寫情人鎖時， 我漏咗係B＆B張凳」...哦！ 唯有4月尾我們回來探情人鎖時， 順道探探那擱置在B＆B門口木凳的外賣芒果吧！！

大仁生活facebook