去馬交買手信買咩好？想要驚喜？各位師兄可以幫襯吓呢間玩具王國，當然，唔好俾“王國“個名誤導，以為好大大大間，其實都係一間中小型玩具店，但又因為地形問題，而分為上下兩層，地面一層，中間有條樓梯仔落下層（地牢）。

店內特色之一，貨品擺放密密麻麻，通道狹小，所以師兄們唔好帶大量行李入內，轉個身掃冧晒就唔好啦。店中玩具模型精品合金景品...咩都有。雖然已經分類擺放，但因為貨多，貨品係一堆貼住一堆咁放，所以唔能夠純粹運用目測法，而係要出力摷，可能會寶物尋歸底，搵到好嘢。價錢方面，唔好諗住一定平啲，相比香港，有啲平有啲貴，但唔會相差太遠，我就搵到盒全新SR雷登，承惠$330，港葡一樣價，但事後聽講葡幣匯率$100平$2，同埋鄰近內地，可以講下價。

地址？好易搵，大三巴樓梯口右邊，好似係：大三巴右街3號。