銀卡到期前最後一次入迪士尼樂園@玩盡萬聖節+夜光巡遊

匆匆光陰如幻,霎眼間我們的銀卡又到期, 今次是我們最後一次用年票入場了. 一年前相約昌昌一同在迪士尼過萬聖節, 今晚當然也要一同作最後衝刺吧!!

今晚, 小朋友們最最最大目的就是來看精彩绝論的「迪士尼光影匯」夜光巡遊, 昌晶一見小仙女由遠遠飄來, 他已大叫:「好感動呀!! 我感動到喊」

阿囝則手執變色畫筆, 不停「篤篤篤」希望改變工作人員的顏色.

我今次終於可以拍攝得到跟在大紅特紅「反斗車王」阿麥後面的麥坤啦!! 麥坤真的很得戚呀!!

彈弓狗一來, 阿囝大叫:「高菲!! 高菲!! 嚟啦...」我說:「唔係喎, 胡迪係上面嘅??」阿囝即時說是 彈弓狗才對, 太興奮一時看錯喎.

「要與你玩多一晚」這是巡遊的歌詞, 到米奇, 米妮, 高菲, 唐老鴨出場後, 夜光巡遊就正場結束, 阿囝跟著不停唱「要與你玩多一晚」, 並跟我說:「爸爸! 我真係好想玩多一晚呀!!」果然不停說著同一句說話是有催眠作用喎.

夜光巡遊約20分鐘, 之後我們就要趕去看陳國邦的亞瑪遜驚魂, 不過場外一早已有大堆觀眾在等候入場.

哎呀! 原來看完巡遊, 再慢步過來, 結果, 觀眾多到我們要坐在山頂位置最側側側面來觀賞.

可能位置不佳, 根本看不到陳國邦在表演甚麼, 結果, 不時有山頂觀眾中途離場, 雖然陳國邦很努力演出, 但我們覺得內容既不緊張, 又不攪笑, 更一點也不驚魂, 確實有點浪費了這個節目.

原來, 晚上走入迪士尼, 時間是非常急趕的, 因為亞瑪遜驚魂一完結, 十分鐘後又到煙花匯演, 結果, 今晚我們看完煙花急忙吃過雞翼, 薯條, 及粟米又要趕去灰熊山谷玩攤位遊戲.

我對小朋友說:「點解我哋好似好慘咁, 食得又急又趕, 不如出去搵個餐廳, 慢慢食慢慢嘆啦...」誰知小朋友回答我:「梗係去玩好啦, 唔好食喇, 快啲去玩啦...」真係被激死!!

五個攤位遊戲, 小朋友不知玩得多興奮, 當勝出獲得兩張大貼紙時, 更加齊齊大聲叫 Yeah!!

最後, 當然要和鬼朋友來齊齊合照, 我問工作人員為何今年沒有萬聖節糖果派送, 及狼人族與殭屍族人出沒呢? 工作人員答:「派糖果,  及狼人族大鬥殭屍族都玩咗兩年, 所以今年改了主題, 主打夜光巡遊呀!!」

沒有糖果, 小朋友有少少失望, 不見了滿街狼人及殭屍, 我則大大失落...就這樣, 我們2014的銀卡門票便劃上句號了. 再見迪士尼樂園!! 拜拜了!!

PS: 夜光巡遊貼紙一套11張, 我們欠三張圓形...


相關網誌:
夜間巡遊震撼預演 靚到不得了 興奮到彈起
迪士尼光影匯夜間巡遊後哈囉喂預演 重遇我的 Disney鬼朋友