朋友的公司做飲食產品，於新加坡設廠，香港有個office。上星期，他問我，他公司有隻罐裝涼茶產品，售價略高於其他牌子，但質素上乘，銷售渠道都算足夠，連千色店都有賣，但為什麼銷量會不太好？
當他遞給我一罐試飲時，我望一望罐身，就知了。
感覺非常古老，欠時代感，罐身仲有個古人的圖像ICON，我以為飲緊清朝的產品。我問能否改設計與包裝，朋友說這是新加坡STYLE，不能改。我說算罷，他也認同，說這板貨賣完了之後，一定不會返貨。我問還剩多少，他說大部份貨已鋪上架，還有兩萬罐在倉。
點算？我問點散貨，他有點苦惱，說團購不能、找下線拆家又無反應、送出去又不能收回成本……總之，進退兩難啦！我看住他的面容，再望望倉內那數板貨，感到真無奈。
做公關做品牌，除了講口徑、講口齒、講口碑、講口感之外，包裝對於做飲食產品和消費品非常重要。尤其是在香港，產品生命週期極短，模仿者極快湧現，消費者變心速度極快，所以，別出心裁之包裝設計，未至於是致勝關鍵，起碼短期內會令到市場講起你、關注你、傳閱你，當然終極是想接受你、認同你，然後購買你、購買你、再購買你，直到永遠。
最後，朋友都是決定，不願意將產品變做贊助禮品，如果不是的話，大量NGO同CSR活動任你揀，仲可以收到宣傳效果及建立企業社會責任的形象。希望，下次他入貨時，會多留意香港人的喜好及文化，就沒那麼容易撞板啦！
品質最好的產品，未必是銷量最好的；銷量最好的，通常都是公關和市務推廣做得好所促成。至於能否持續，就要看市場的胃口變得快唔快呢！不過，為了保持新鮮感，定期revamp品牌同設計，是必須要的，但頻密到好似FACEBOOK的轉變，又真的好似過份了吧？
