心廣體胖，意思係開心便會肥胖？其實都啱，因為一個人開心就會食野，食野就會開心，當一大班朋友食緊自助餐，而你就面懵懵地攞出你嘅白烚飯盒，心裡面仲點會開心？正所謂食得是福，著得是祿。都幾矛盾，食得多就會肥，肥左仲點著靚衫？其實以我個人黎講，我都幾鍾意食一啲比較濃味嘅食物，同埋我簡直係一名飯桶，連早餐我都可以食飯嘅人，究竟點先可以有靚身型？ “勤力” 兩個字係一定架嘞，而我亦係一個上左gym癮嘅人，平均一個星期基本上我要做起碼4日先夠皮，每日6-8set大組肌肉4-5set手或者腳，再加1-2日cardio…有時跑步，有時會去打籃球，但係我對跑步又愛又恨，因為年輕時兩隻膝蓋都傷得唔輕，所以跑步就有啲難度。食野方面，對唔住，我乜都食，但係夜晚6點後我淨係食生果，就4隻烚蛋白，所以我係一個崇尚任食修身嘅壞學生。哈!
-Double T
