繼續麻甩局 : 日升美食店

食友帶頭既麻甩局繼續，今日都係小炒局，不過地點改去政府街市。

 離遠見到店家拎住個雀籠過黎，原來隻炸子雞係放入雀籠先上檯。

炸子雞都算做得皮脆肉嫩，就算冇雀籠點綴都可以試下。

酒煮雞什腸雖係重口味野，但鍾意雞什既人一定覺得好吸引。

雞什用黃酒煮過，入口冇內臟腥臭，又有不錯黃酒香，黃酒香加埋內臟油香又係絕配。

內臟菜式除左雞什，原來重叫左椒鹽珍肝。椒鹽香炸同黃酒煮係完全唔同feel，不過用黎送酒都幾岩。

油浸筍殼魚份量唔細，已炸好既魚身已開邊，魚肉炸得金黃食落都香脆，又係一味送酒佳品。

另一送酒小菜既小炒皇，用料十足食得幾過癮。

大家決定今晚唔去第二場溝貨，就追加乾炒牛河、介蘭通菜及椒鹽魷魚。

食過椒鹽珍肝後再叫一味椒鹽出品，無他只因椒鹽珍肝好食，而呢個椒鹽魷魚都係好野，炸漿夠薄，魷魚食落唔會太乾仍彈牙。

乾炒牛河做得幾好，上檯夠熱之餘，河粉幼滑上色又平均。

食食下先發覺成晚都冇菜食，追加既話點都要個菜類既通菜牛肉平衡一下。

食下食下又完成一間係食友張list上面既食店，下次如果人夠多又係旺角可以再添食。

日升美食店

地址：旺角花園街123A號市政大樓3樓5號店

Tel : 2380 8665