令人回憶 : 本延鍋物 Panyin Shabu

都有一段時間冇食shabu shabu，一來香港唔算好普及，二來我地唔算好鍾意，不過咁岩早幾日第到呢間，就搵左周末中午到來。

日式食品配日式簡約風格。

中午餐牌簡單直接。

點左特選牛板腱套餐同日本豚肉套餐。

特選牛板腱套餐雖然唔係最貴既牛肉套餐，但食落都唔失禮。

入口都軟嫩有肉味，沾左蛋汁更軟滑，想淺嚐牛肉既話可以試下。

另一個係上選日本豚肉套餐。

豚肉要煮耐少少時間，但出黎既口感亦不錯。雖未至於非常嫩滑，但如果你係豚肉既fans亦唔會失望。

Shabu Shabu湯汁本身帶甜，煮出黎既蔬菜都好鮮甜。

食完肉同蔬菜先煮烏冬，烏冬口感好，吸收左帶肉味既湯汁更惹味。

來貨既甜品就真係比較普通。

Shabu shabu雖然唔係我地杯茶，但整體感覺都幾好，令人回憶起當年松板海津既壽喜燒經驗，會推薦喜歡shabu shabu既食友來試試。

本延鍋物 Panyin Shabu

地址：灣仔謝斐道379-389號特麗樓地下6-7號舖

Tel : 9882 3061