停咗寫Blog一陣,如果有追蹤開小妹個Facebook可能就知道,呢排皮膚敏感好嚴重,濕疹在加上慢性蕁麻疹,仲要連塊面都有,實在係女人最痛。皮膚敏感同減肥一樣,係一輩子嘅戰鬥,唔會咁容易贏,但千祈唔可以認輸!呢排食西藥控制緊,個人冇乜精神,塊面本身都鞋拾拾咁㗎,但每次塊面敏感我都會搵啲好嘢搽吓,最近比我試到隻好嘢,真係神隊友級別,勁正勁有效!我已經用咗成個月架喇,可以分享我嘅誠實用後感!!就係呢支pHformula MELA Concentrated Corrective Serum 全效肌底美白精華!!個樽仔好靚,一見到已經好鍾意佢~

(真係好鍾意個樽所以影多幾張相)pHformula係一個西班牙嘅醫學美容品牌,係全球40幾個國家暢銷嘅產品,唔少大型嘅醫學美容中心係用佢哋啲產品。醫學美容品牌嘅護膚品嘅好處係佢哋有做過實驗,有臨床測試證實產品嘅功效,咁價錢上係會比較貴少少,我會形容為「一分錢一分貨」,平時一般嘅保養可以用返啲平民嘢,但講到急救嗰陣(例如好似我而家敏感嘅情況)一定要用佢,想快見到效果都一定係要用,唔好諗住百幾蚊嗰啲開架貨仔有用喇。見個名MELA都應該知道係專門用嚟針對皮膚色素,成份入面嘅4-丁基間苯二酚 (4-Butylresorcinol)同埋四胜肽 (Tetrapeptide-30)均有科研實證係有效抑制黑色素生成、減少酪氨酸酶數量、防止黑色素過度產生、直接打擊黑色素細胞源頭,改善色素沉澱。

皮膚敏感搞到塊面多咗印,所以pHformula呢支精華真係好啱洗!係咪覺得皮膚敏感嚟美白好搞笑?本身我都覺得會唔會唔好用佢住會好啲,但再望真啲佢其他成份,佢仲有pH Cell-detox、Neuro-light、透明質酸等等,呢啲都係對保濕同皮膚修護好有效嘅,立即放心一試!

另外就係佢嘅質地,透明冇色冇味,水狀,推開之後有一層保護膜咁,唔會話仿如無物咁吸收曬就乜都冇,可能我都有返咁上下年紀,我自己真係唔Prefer一啲太過清爽嘅產品。pHformula全效肌底美白精華唔笠,但唔係「一陣風」咁搽咗等於冇搽嗰啲,真心正,層保護膜慢慢咁吸收,第二朝起身皮膚散發自然嘅光澤,同埋我覺得皮膚真係有透白到,我好鍾意個效果呀!

Before嘅皮膚好暗啞同埋好攰,After(兩星期後)我覺得係連啲三角肌紋都出返嚟,雖然影呢張相燈光係有啲唔同,但真係睇得出皮膚整體狀態好多。好深嘅色斑要啲時間改善,但啲暗瘡印就有淡到。

敏感搞到個額頭又痕又腫,仲有少少熱熱地咁,我晚晚都用pHformula全效肌底美白精華導入,效果真係好明顯!支精華唔係主打抗敏,之不過佢入面嘅透明質酸真係好Work,可以修復到受損嘅皮膚細胞。

醫學品牌產品真係有用,屋企有一支看門係好有必要!價錢雖然係貴少少,但急救起上嚟你就會立即諗起佢㗎喇!

MELA Concentrated Corrective Serum 全效肌底美白精華 HKD990/30ml
於指定醫生診所及醫學美容中心有售,查詢可致電香港總代理Capto (Hong Kong) Limited

Website: http://www.phformula.com
Facebook: https://www.facebook.com/phformula.hk

**產品/產品資料由品牌提供,真心分享,歡迎電郵查詢。

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com

 



 https://www.facebook.com/popcornellie