退訂vs殺訂 一齊睇結果與留言

早前分享了月前的新聞，有關一對年青人買樓後失業造不到按揭，找業主討價希望可以退回訂金，未知發生什麼事的，不妨花幾分鐘按入最底影片連結看片。看完影片後，玩了一個投票遊戲，提了五個選項讓網友選擇，截至今天結果如圖。

結果有過千人投票，而大部分(60%)選擇了退部分訂金，另外有36%選擇殺訂，只有少於5%網友會全數退訂。

結果是否反映大家心中預期呢？除投票結果外，值得留意的是討論氣氛熱烈非常，這裡貼上部分精彩留言(留言加上號碼方便討論)。

1. 成班香港人喺度滿口仁義道德，我都係做呢行，見就見過好多買家要求業主唔好殺訂，就係從來未見過有業主會唔殺訂。

而家舊錢係人地既，就可以喺度扮清高。到肥豬肉送上門嘅時候，睇吓你哋仲可唔可以仲似返個人啦。

入得呢個Channel嘅人 唔係鐘意錢都唔會喺度啦，所以現實你地嘅結果99%都會揀: No.1。

相信只係對情侶買樓無做功課做左水魚，之後想取消交易既大話，對情侶都好無品，輸打贏要。

對業主來說，係利益/慈悲既選擇。對呢對情侶來說，係買一個教訓。

亦係嚮金錢損失後，能否一齊支持大家行落去既考驗，定係之後怪責對方因錢分手收場。

2. 搞笑咩止凡，香港哋一定係殺訂！大集團亦是尊守合約精神。

3. 我係揀No.1 呀！講真唔殺訂就冇可能，我係業主都諗會殺一半就算、唔包括經紀佣金，佣金就佢哋自己負責啦！但咁比佢哋凶法我就真係唔洗講！我自己都係業主，我都好明白供樓真係好艱難！

4. 我係賣家都會諗退反一半比佢, 你來買樓係你自己自願唔係賣家用槍迫你去買, 仲有你失業同做唔到按揭唔係賣家責任！但之後佢態度咁差咁就唔洗指意啦！咪教訓下佢做人嘅態度, 依家係你求人唔係人求你, 仲要恐嚇賣家人哋唔報警算仁慈啦！

5. 全退不可能，這種輸打贏要是不可以接受的，但亦本著同理心，幫下人，所以不會不退，只退50%，讓他們有個教訓，以後買樓要深思熟慮一下。

6. 有點頭腦嘅人都唔會直接找賣家。更何況佢哋嘅言語行為絕對係恐嚇。我唔覺得自己會給這種人機會的。我有個租客，合約未完要求減租，唔肯講原因，我見市況唔好減咗些少，佢好多謝我，合約完了再簽了一個短約，短約差唔多完佢要求提早退租，説希望我諒解。她是好租客，斷約一定有其原因。我答應咗。交樓當日才知道佢患類風濕，雙手不像從前𩆜活，不能工作差不多半年了。同是年輕人，有一撮覺得人人都欠咗佢哋，也有一部份負責任到最後。

7. 扣番已駛的錢，咪俾番人囉。如果人地真係失業嘅話，咪當幫吓人囉。又自己唔會蝕錢。

8. 難退全部，因為賣家可能都在這段期間損失alternative buyer，或令賣家失預算等，應該大概計返損失再退。

9. 呢單嘢令我諗起以前聽恐佈熱線一個故事，大約就係話有業主專門利用凶宅（有鬼）去殺訂賺錢...新買家落訂前不知道間屋有問題，後來知道後就無奈撻訂...其實真係有人靠殺訂去搵食...

10. 如果800,000已經用咗買ark輸埋咁點。

11. 傾向殺訂，但諗緊點防佢發窮惡狗急跳牆。

12. 去報案告佢地恐嚇添啦，佢好聲好氣就話可以酌情退d啫(let say 最多退7成)，家陣搞到屋企人喎，唔係仲對佢地咁好呀？

13. 不過仲要諗埋個賣家係咪換樓，同係咪手緊。

14. 唔知有冇得退訂$80萬，再當私人借俾佢收利息。

15. 都係要報警備案，唔知個買家會唔會又發癲。香港真係生活壓力好大。

16. 我會建議把成交期加長（给他們時間想辦法/找工作），如果到時候對方仍然不能上會，我也算盡力了。

17. 如果今年樓價係升(其實全球大部分主要城市都升)，你估買家會否想辦法解決呢？

18. 如果係我就退訂比佢。今次唔收你錢，另加一個條款，要簽一個終生合約喺你下一次買賣樓嘅時候，賺到差價歸我。

19. 3唔識7，點知你係真定假。俾返錢你，你去買過第層樓，咁我咪柒！

20. 食晒真係好冇陰功 香港人再唔幫香港人 香港真係散架啦

21. 幫係人情，唔幫係道理，如果等著賣樓救命的話，點退啊？雖然我都揀5，但我未買過樓，可以唔洗點理我意見。

22. 如果等錢落訂換樓，真係未必有錢退喎。要等層再賣出有新訂返至有得退，但咁就拖住兼會日日有人煩住...

23. 我好相信曾經買賣過樓宇嘅人會揀 1 或 2。

24. 喺美國買樓如果銀行唔批，賣家係要退定。點解香港法律咁冇人情味嘅。銀行一句唔批，我就唔見咗幾十萬定金，WTF。

25. 5啦，會同情佢地，但又唔可以俾自己喺哩個交易有損失。

26. 我即時報警處理，口頭恐赫係刑事！因為吾知的人會衰成點，已經不是錢銀問題！人身安全受威協已可入罪！

27. option 5，如果對家咁既情況你仲要殺訂，真係好PK，無血性！遲早有報應。

28. 2，如果這兩個所謂年輕人唔係反轉豬肚就係屎同出言恐嚇 可能都會體諒佢地。如果退訂俾佢，咪助長佢地，一味靠惡！

29. 5，年輕人要幫吓佢哋。不過都要負返一部份嘅責任。

30. Option5 我支持winwin 做人唔好去到咁盡。

31. 簽得就要互相公平承受風險。不可選5，手尾長，分分鐘俾佢反手告自已。真係想幫的話，就唔係用錢幫，而係教佢搵可以幫到佢嘅政府機構。

32. 5，山水有相逢，不應賺到盡，但也要理解實況，多些傾談。

33. 既然已經走投無路，其實可以試下借財仔。

34. 我會收200,000，佣金佢負責晒，其他退返俾佢。假設係而家個市況。

35. 如果個市升緊可以退多d，跌緊退少d。

36. 其實八十萬是否大訂，簽了必買必買未？還有，業主是否連環交易？如果牽涉連環交易，何止要殺佢訂，仲要計埋連環交易嘅損失。

37. Hold 住先，睇再賣不賣到 same price. If not.they have to pay the difference and all the legal fee.if the price is up .Give back all to them

38. 其實仲要考慮樓價有冇跌，果排市況係點。因為層樓都唔難買出，所以可以退訂再搵買家。

39. 無事無幹我會第五既都，但如果已經有其他計劃做左，例如比左另一間樓既訂，咁就真係 Sor9y la。

40. 成件事係咪事實先？邊個知⋯⋯究竟係同時間兩個人失業！？⋯⋯定係事主覺得樓價跌咗少少覺得入錯貨所以作個故仔出嚟！？⋯⋯定還是見到第二間平啲又想去買但係已經買咗呢間！？又係個句「邊個知」。

41. 調返轉頭講，如果我係賣方，我收咗訂之後話想唔賣，係咪可以唔駛陪雙倍訂？

42. 揀咗退部分，實在真係佢哋啲錢黎嘅，咁當然成套系統都係有漏洞响度政府應該要堵塞啦，收返佢哋一部分錢，最主要就真係希望佢哋記住呢個教訓，唔係下次佢哋又好可能再中招，幫佢哋反而變害佢哋。

43. 其實係一個絕對實力的分析，最重要係當事人的妻兒。如果警察or 保安幫得手的話，佢又攪唔到妻兒，就殺的了。如果冇絕對公權力保障自己，就傾，底線係一半，佣金自付。

44. 想選一及二：下下唔掂搵人退訂，供樓廿年流流長，預左20年內總有失業機會或缺錢問題，咁又要搵銀行退訂退按揭比你？銀行會彩你？咁其實買股票輸左錢後失業，又可以問證卷行拎返個本金喎？哈~~~~~~~~~~~~~

45. 呢到投票選5，同現實要由戶口拿番80萬出黎比人，係兩回事。但當利益到面前，又有無超過1半人係會咁做。(投完票, 睇完結果先回覆)

46. 80萬對好多人來說是大半生人儲蓄。因為被動原因（雙雙失業），置業計劃受創，連生活也擔心之時。哩80萬，真係陰質錢黎。扣除開支，俾番佢地喇，放人一條生路。過得自己過得人。如果有一日你地係失業當事人，你地會點？咩都唔做放棄80萬？

47. 我會殺訂，好老實，多年前家人想買居屋抽中咗，後來唔想買，政府都殺訂，若然你落咗大訂，某種原因我覆行唔到，我一樣要賠番比你，有無人㑹唔使賣家賠？

48. 我的答案最接近是第5个，退回部分给他们，但一定要他們明白退给他們是人情，不退是道理。如果個個都能退，那合約裡寫明保護賣家的不能退訂又有什麼意義？但作為年輕人能幫助他們還是會多給些幫助，退回3-5成吧。還有個重點就系，我真拿了80萬，請幾個保鏢保護我的家人都夠了，害怕他們兩個嗎？

影片：

投票link：https://www.youtube.com/post/UgwZ_4utJLMCmXApUox4AaABCQ