我一直以為自己啲皮膚唔係好差，但原來唔係囉，以前皮膚唔差係因為有勤力做treatment... 上年做ytreatment次數十隻手指數得晒，單靠自己喺屋企護膚，唔係太夠（起碼用一直用開嘅護膚品唔夠力）尤其是喺去黃同去印方面。2021年打響頭炮嘅係英國天然護膚品牌 monuskin super serum duo 維他命C抗氧活肌精華組合，好得意，一盒裡面有兩支，早晚各一。其實面霜一早有分日霜同晚霜，精華分日夜都好正常吖！monuskin喺英國有35年歷史，堅持使用天然植物萃取、精油、非動物測試，成份有效仲有芬芳療法嘅作用。
泵裝瓶身，簡單衛生，講真，我最鍾意就係泵裝，因為控制份量容易，而且可以隔絕同空氣接觸，最能夠避免細菌。兩支精華活性成分大致一樣，濃度有別，早晚互補，相輔相成。分別有我最愛嘅維他命C（美白去黃抗氧）、決明子萃取（抵抗紫外線、促進細胞修復）、維他命A（對抗自由基、減少黑色素形成）、同埋其他天然草本成份，均有效去除老化角質、淡紋等。mou
先講下日間精華，質地唔厚重，好易推開，有啲啲似防曬，推開嗰陣仲要淡淡嘅橙香。
推開後唔留白印，唔泛白，非常之清爽，感覺唔錯，仲覺得皮膚滑咗。相信用呢支精華打底，上面搽粉底個效果會唔錯添（不過而家帶口罩，我就真係冇搽有色嘅嘢喺塊面好耐，費事印落個口罩度。）
晚間精華顏色帶象牙色，推開更重橙味，佢嘅維他命C含量比日間高！感覺良好！
明顯比起日間精華滋潤啲，但質地依然屬於清爽類。呢排天氣咁凍咁乾，我會之後搽返啲透明質酸精華打底先再加面霜。不過其實monuskin嘅呢兩支精華，本身都有透明質酸（Hyaluronic microspheres）佢會同皮膚細胞嘅水接觸後膨脹30倍。
講係好虛無飄渺，我就連續用咗個幾星期。唔知係咪入手咗氣炸鍋之後多咗食煎炸嘢，同埋真係冇再做treatment，啲暗瘡冇停過，自己又屬於手多多嗰類人，最終就搞到啲印一舊舊... 年紀有番咁上吓，啲印唔係咁容易散...如果想快去印，講真真係去打pico兩三日就可以靚返晒！唉，可惜冇得打呢...我覺得勤力啲咁去早晚用monuskin呢set精華，效果都幾好，朝早同夜晚影相燈光有啲分別，不過整體啲印真係淡咗好多，心感快慰！天然成份嘅護膚品有醫學美容品牌嘅效果，我覺得都幾難得！
MONUSKIN super serum duo 維他命C抗氧精華組合 HKD$570
於指定醫生診所及醫學美容中心有售
詳情查詢 http://www.capto.com.hk
MONUSKIN
http://www.monuskin.co.uk
https://www.facebook.com/monuskin.hk
**產品/產品資料由品牌提供，真心分享，歡迎電郵查詢。
ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com
https://www.facebook.com/popcornellie
