點樣開公司買英國樓最平？最近英國變成港人熱門嘅旅遊地點，喺疫情仲未完結底下，小編身邊有唔少朋友都去咗英國，有啲為咗為移民做準備，有啲為咗投資。小編都忍唔住手買左間英國樓收租，所以喺度分享吓一啲心得，可以用最慳成本又慳時間嘅方法去買英國樓。
索引：(1) 開公司買英國好處壞處(2) 開英國公司方法 - 點解唔直接上Company House登記？ - 開英國公司服務推介(3) 開Special Purpose Vehicle(SPV)公司(4) 總結(1) 開公司買英國好處壞處小編計過如果將會買超過一間樓嘅話，開公司係最化算，與其買第二間先轉名去公司，倒不如一開始就用公司名義去Hold，因為轉名要再比Stamp duty、Capital gain tax同埋律師費。
✔️好處公司開支可扣稅 ─ 如果由公司持有物業，租務相關開支（如Mortgage利息、維修費、租務管理）都可以扣減公司利得稅，而個人名義持有物業由2020年4月起與財務有關嘅租務開支（如Mortgage利息、Mortgage安排費、提早還款罰款）已不能扣減個人入息稅(詳情)。不影響個人入息稅稅階 ─ 個人收入同公司收入分開，唔會令個人收入稅率升到令一個稅階，如果會移民英國並係當地打工，人工加上租金收入，好容易由20%個人入息稅升至40%，甚至45%稅階(詳情)，而公司稅如果每年利潤不超過£500,000，稅率一律19%。以股息代替工資 ─ 每個股東每年收取£2,000以下股息，不需要繳個人入息稅，收取£2,000-£37,500股息需繳7.5%稅(詳情)，而個人年薪唔超過£12,500都唔洗比個人入息稅，好多公司都會混合工資與股息支付給股東。轉讓股權賣樓 ─ 可以公司轉讓/股權轉讓形式賣樓，避免比高昂既Capital gain tax，但賺到的差額扣除開支後仍然要比corporate tax，而買家亦只需付較低的股權轉讓0.5% Stamp Duty(詳情)。避免遺產稅 ─ 英國遺產稅高達40%，以公司形式持有物業可以公司轉讓形式轉給子女，唔需要比遺產稅。分開公司與個人責任 ─ 萬一有咩事，唔會影響到個人，但留意做mortgage時，多數要有個人擔保Personal Guarantee先借到，但其他商業糾紛，仍然可以避免。❌壞處無Capital gain tax免稅額 ─ 公司賣物業無Capital gain tax免額，而個人賣物業有£12,000免費額。請會計報稅要成本 ─ 每年要報公司稅，公司稅比較複雜，唔熟最好請會計報稅，如每年租金收入超過£50,000要搵核數師核數。 公司要交年檢 ─ 每年要向Company House交年檢confirmation statement。 利息較高 ─ 公司做Mortgage選擇比較少而且利息會高於個人1-2%。 SPV公司 ─ 如果想容易啲做mortgage，要開Special Purpose Vehicle(SPV)公司，以物業投資spv公司為例，公司不能做物業相關以外嘅業務。(2) 開英國公司方法開英國公司其實好平好簡單，10分鐘內已經可以完成申請，幾個鐘就收到成功註册通知，全程網上搞掂，唔需要係香港比成萬蚊搵人代辦。
點解唔直接上Company House登記？
直接上英國Company House做公司註冊只需£12+vat ，但係要先去UK Postbox買個公司註冊地址先(每月£12+vat，一年£144+vat)，有咗公司註冊地址就可以上Company House登記，程序比較繁複。其實英國有好多提供「開公司服務」既網站，一個價錢包左公司註冊費、仲有公司註冊地址同埋Directors地址，仲可以交埋年檢報告，一站式搞掂晒，個人覺得方便好多。
開英國公司服務推介開公司買英國樓最抵？買英國樓有用網站分享(一)【成立SPV公司】
https://www.facebook.com/readydepart
