姜糖三部應援車 為出埠拍劇姜濤越洋打氣

Mirror 的粉絲出名熱情、創意無限，每次偶像出歌、生日眾籌買戶外廣告版、地鐵、巴士站廣告牌外，又會自製抗疫宣傳品送電台DJ、派宣傳卡為偶像造勢；不過要數到Mirror狂迷，一定是姜濤一眾粉絲姜糖。已經離開香港個多月，在台灣拍攝電視劇《超感應學院》的姜濤，今日便越洋收到keungshowhkfanclub 籌備驚喜，一口氣安排了三部應援車為偶像及劇組打氣。

今次是姜濤第一次離開香港工作，所以第一眼看到三部，掛有自己樣貌Banner、人型紙牌的應援車出現劇組現場，姜濤非常之驚喜：「真係無諗大家會用依個形式，好多謝姜糖們； 之前疫情關係，會見少咗Fans，但都係同一地方，今次去到台灣分隔兩地，真係好唔同，真係好掛住大家，好想快啲拍完返嚟，自己亦會努力，今次套劇唔會令大家失望。」姜濤更逐一參觀應援車，當中一輛是有齊台灣手沖茶、珍珠奶茶的飲品車、一輛是姜濤最愛即整漢堡包餐車、另一輛是供應劇組午餐包括有意粉的餐車。

至於台灣及劇組生活，姜濤說：「台灣生活節奏較香港慢，好適合自己，拍劇節奏則較香港輕鬆，劇組又好熱情照顧，我每日都好開心。」而放假日子，姜濤會去做Gym、約同劇演員一齊玩，與經理人留家Jam歌外，更正在找老師想試試學跳舞唱歌，吸收當地文化。但話雖台灣美食多，生活開心，姜濤仍然掛念香港家人和Fans，還有是他放假必食的米線同河粉。