唱作歌手何展睿（Steve)早前為即將推出處男專輯《愛情六重奏上集》補拍舊作《一個人⋯快樂》MV，主要原因希望第一份「樂壇功課」能夠更加圓滿。當日Steve除了擔當MV主角更兼任編劇、準備拍攝道具，實行親力親為：「因為自己先最清楚自己想點、符合自己心意，而MV故事概念其實上年已經唸好，只係不停修改，希望拍到最好。」
Steve表示拍攝當日更加插了很多精彩即興場面：「要對住木制無聲三角琴道具彈奏，我當然扮到好似係真琴上自彈自唱一樣啦！」此外，MV即興加入跟「熊啤啤公仔」作對手戲，他更因為這位「臨時主角」而勾起往事：「我要同佢做好多對手戲，要表現好多情緒上既宣洩，一邊摸住公仔就唸番起幾年前陪住我一個人生活既貓咪，佢去左天堂幾年拉喇，一唸起佢啲眼淚就爆發出嚟，拍完都停唔到！」
而講到拍攝MV前心情及準備，他表示自己雖然出道一年，累積了不少經驗，但面對鏡頭偶爾感到緊張，故拍攝前早已做好準備，上網多看別人的MV，培養演繹上的情緒，幸好最後能夠克服恐懼。
而跟熊啤啤做對手戲而落淚的一幕可謂真情流露，更令全場工作人員傻眼。拍攝後Steve對自己演技漸感信心，更表示已積極籌備下一首新歌mv拍攝工作，希望年中可順利推出專輯。
