夏日炎炎,口渴最好來一口凍飲,既降溫又可去除暑氣。茶是十分好補水來源,除了無糖、無脂肪之外,亦含鉀和多酚等抗氧化物,對身體有益無害。從此,除市面上各式飲品以外,大家又多一個選擇:公平棧的樽裝凍茶。



大家可能對「公平棧」認識不深,它是一家自負盈虧的香港社會企業,透過推動公平貿易及有機食品,保護大自然和減少貧窮,為不同地區農民服務已超過10年。因為經營理念接近,年多前已經開始合作。

懂我之人定必奇怪,皆因我已戒絕凍飲及碳酸飲品多年,何以突然會講凍飲。事緣應邀往一個「品茶」茶聚,因為與主辦單位亦有淵緣,所以一口答應。茶,其實我經常都飲,茶樓一盅兩件、在朋友辦公室泡茶、樽裝烏龍茶等等。但,自問認識淺薄,未到品既程度,所以都係抱住去觀摩而已。茶聚地方雖則不大,但主辦單位準備十分認真,清水、麵包、紙筆齊備,令各與會人士坐得舒適之餘,又可記低各款茶的特色及互相交流。

 

「品茶」開始,先試三種茉莉茶,與會者認真的試飲,飲完、浪口、再試。講真,試完後我感覺三種都差不多(我真係未到識得品既境界);茉莉茶味比較淡、含花香味,對我黎講唔太合適。之後再試伯爵茶,先聞到茶及薰衣草香(主持人之後說是佛手柑香味)入鼻,入口濃濃茶香,十分順滑,餘韻悠長而甘,絕對是夏日解渴之選。

 

值得一提,所有樽都用環保回收塑料再生合成,飲完後又可再回收。飲一樽茶一次滿足幾個願望:解渴、有益身體、環保、支持公平貿易…想試試嗎?

 

產品詳細資料,可到公平棧專頁看看,或電郵給我查詢:healthChannelhk@gmail.com

(圖片:轉自公平棧facebook專頁)

更多資訊,盡在: 健康頻道



 https://www.facebook.com/healthchannel.hk?ref=br_tf