（網上圖片）
豬年第一篇文，先祝各位新年快樂，生活愉快。
我一直都說，其實投資英國樓，回報唔算特別出色，這幾年加上匯率因素，留在香港用槓桿買股票收息仲好。反正買英國樓，不少人都要用都要用按揭。買股票同 REIT ，不用自己管理，還可以省下管理上所花的時間及精神。
最近收到 YY 的電郵，我覺得挺有意思，主要還是指出了除了實際回報外，港人對買英國樓的情意結。解釋了為甚麼港人這麼喜歡買英國樓。
" 兩年前，因為家中的長老反對，太太又不是積極支持， 而且個女又啱啱出世 ，工作同家事太忙 ，所以冇買 。雖然當時聽完你嘅意見好想買。 而家我同太太都後悔， 香港樓價狂升，升到頂成日都好似就嚟想跌咁。 英國樓樓價升得有秩序好多 。雖然而家買已經係遲咗， 但係起碼 太太而家肯全力支持我， 再加上其實我哋都係專業人士， 加多呢兩年積蓄 ，而家喺香港現金積蓄就非常多 ，但係就冇物業資產。 所以雖然而家就嚟 脫歐 ，但我哋都決定今年全力積極入市去買。 而且我哋都計劃可能將來畀個女 去外國 讀書同埋 移民。 香港個環境 未來 唔知仲能唔能夠咁好， 而且睇到啲新聞，都覺得政府都幾無能和無心。 再加上未來全球暖化，雖然有啲人覺得投資東南亞國家好好，但係我就真係唔係幾睇好， 都係將啲資產 靠北嘅國家最好"
一，教育，英國。英文作為國際性的語言，學好英文，世界任我行。要學英文，英國當屬首選。長久以來，英國都吸引到香港家長的青睞。再加上，留學生的身份，即使現在沒有以往那麼稀有，依然還是會有一定的優勢。為子女未來打算，在英國買層樓既可用來儲學費，也可以用作一處容身之所。
二，英文，語言優勢，同上。香港人基本上都識得一兩句英文，唔識現在要翻譯都容易。買賣房地產，合約，資料等都可以直接自己睇，或者和對方聯絡。不會出現好像日本，東南亞般，語言溝通上的問題，有咩事都要靠中介或翻譯，一來中間溝通有可能有誤，二來亦多了層費用。
三，制度完善保障，英國近年雖然不斷出招，希望減低海外投資者到當地買樓，但招數都只是在稅務上，令到從買樓投資的成本增加，從而減低買樓的意慾。在制度上，本地人和海外的業主的權利上還是一樣。這方面亦令投資英國樓較安心 (買樓花的就除外)。
四，物業較便宜，對比起香港普通幾百萬一個細單位。英國樓即使倫敦都比香港便宜，其他地方就更加不用說，都是一兩百萬就有交易，感覺是物超所值。當然更便宜的幾十萬，甚至幾萬都可以買到個兩房單位，但是否值得買就是另一個問題。
五，穩定回報，英國買樓收租，或者不能大富，但要求個穩定回報 5% 左右還是可以的，加上物業的升值。求個平平穩穩，英國物業就很適合。
六，磚頭情意結，講到尾，香港人其實就是有種磚頭的情意結，覺得買磚頭先係好，先至保值。其他的投資工具都不及磚頭好。君不見頭十名富豪大多都是與地產相關。香港地產致富的人很多，用這種心態放於國外，也令到香港人到世界各地去買磚頭。
最後特別鳴謝 YY 的大利是，第一次收到讀者的利是，實在非常開心，非常感謝。
小弟行年二十六，未婚，單身，還可以收利是，如果各位都有利是想打賞小弟，可以用下面條 link ，給小弟一分鼓勵。小弟在逗利是上，從來不怕羞，哈哈。
https://paypal.me/rkwc1993?locale.x=en_GB
【投資】點解要買英國樓？
