阿囡喜歡急凍脆魚柳，所以呢個餸佢好啱食。不過比小朋友吃，唔好煮個汁太鹹太濃，個汁要分開煮，係未加重味前先留起比佢，然後再將個汁煮濃味比自己就得～ 做法： 1. 急凍魚柳按照包裝指示，放入焗爐焗熟（通常都係攝氏200度，焗20分鐘） 2. 焗魚同時，將2條玉子豆腐切成厚件，兩面沾上麵粉，再入鑊，用約2湯匙油，中火煎香兩面，上碟備用 3. 原鑊倒剩1茶匙油，落1湯匙蒜片和1杯洋蔥絲，落1茶匙鹽炒5分鐘至洋蔥軟身 4. 加入1杯雞湯煮5分鐘，試味，唔夠味加雞粉，唔夠色加少少老抽，然後打芡，備用 4. 魚焗好切件，放上豆腐上面，加洋蔥汁，即成