【憑咩你可以瞓？】囡囡做功課做到無得瞓 媽媽深夜wechat質問老師

唔止香港小朋友學習壓力大，內地小朋友都一樣……

日前，內地就有一個wechat群組對話內容傳出，內容大意係一名家長深夜，於學校wechat群組內質問老師，話佢畀小朋友咁多功課，搞到小朋友做到夜晚12點都未瞓，老師憑咩可以瞓？

圖中可見，家長先問老師：「睡了嗎？」，該老師好快回應：「睡了啊！有甚麼事嗎？」之後該名家長就怒指：「你給孩子布置那麼多作業，你憑甚麼睡覺？我孩子12點還沒睡覺？」隨後老師就即刻將家長移出群組，並嚇其他家長話：「還有哪個想出去的？」好多家長見狀都向老師表示不滿，一名家長更透露小朋友做唔哂功課，返到學校要罰企！

事件隨後引起網民熱烈討論，好多人都表示對被移除果位家長感到同情，亦感嘆好多小朋友而家功課壓力好大，真係睇到都心痛。亦有網民指該名老師處理手法亦相當有問題，呢間學校師質素亦值得商確。