杜麗莎、小恩子 開 FB LIVE SHOW 反應熱烈 封「最靚聲FB LIVE」

杜麗莎老師縱橫樂壇多年，其超班唱功多年來依然「零走樣」，最近老師在經理人公司安排下於短短半個月內捲起「杜麗莎靚聲旋風」，先後在三亞、澳門及香港三地進行演出，分別為與鍾鎮濤開騷、於新濠影滙綜藝館舉行《杜麗莎THE ONE AND ONLY澳門演唱會》，更一連連踩兩場，為香港賽馬會活動擔任演表演嘉賓及接受徒弟黎瑞恩（小恩子）邀請，進行老師人生首個FB LIVE SHOW。

雖然一連串出席多個活動，但老師每次出場獻唱均投入度十足，她於澳門獻唱《真的愛你》時，現場觀眾反應熱烈，過半數人要拿紙巾拭淚，有些更要步入洗手間整理及平伏；老師自己亦忍不住眼泛淚光，場面感人。至於首個FB LIVE亦是反應熱烈，短短一日已獲得逾15萬點擊，網民更不斷留言大讚老師「最靚聲FB LIVE」、「聲音很透徹」、「把聲喺呢個年代都唔OUT」、「EAR MAASAGE WITH MUSIC」、「一開聲已冇得輸」、「強而有力POWERFUL」、「耳朵戀愛了。」、「耳朵懷孕了」，並留言力撐老師在港舉行演唱會。

熱愛唱歌的老師眼見網民反應熱烈，亦愈唱愈興奮，即使唱至凌晨一時亦零疲態；感性的她，獻唱《真的愛你》及《假如》等歌曲時，又數度以紙巾拭淚，獲小恩子大讚「投入度一百分」。

事後老師笑言每次唱《真的愛你》，都有很想哭的衝動，問到為何能如此投入時，老師笑謂：「我係比較鍾意唱老歌嘅，因為啲舊歌啲詞填得好好，每個字都好似有生命咁。好似呢首歌，我教人唱嗰陣，我都會話，我哋係要THROUGH首歌去話畀人聽我好愛你，重點係用心唱。任何嘢只要肯用心做就OK，唔識做唔緊要，有心做同有心學就得，同埋唔好輕易放棄。」對於網民力勸老師在港舉行演唱會，老師則笑言：「THAT’S AMAZING！做歌手最開心嘅，就係見到聽眾真係畀自己嘅感動到。如果有機會，我都好希望喺香港嘅舞台同樂迷見吓面，依家都好難有平台畀人聽到我嘅歌。」