【負能量的腦袋不會給你正能量的人生】係我最希望宣揚的訊息！
Karrie，兩年多前開始親手製造Orgonite 能量塔，亦開咗一個Facebook 專頁 “Fortune Secret - Orgonite” 。打開專頁，見到嘅唔只係好多好靚嘅擺設同飾品，仲會見到好多正面嘅訊息。Fortune Secret 嘅由來係「幸運」其實可以靠自己去創造，這就是大多數人未知道的「秘密」！
起初點接觸到能量塔？
其實認識到Orgonite「能量轉換器」(能量塔) 係一件無意中嘅事，當時我係見到facebook 一個專頁啲飾品好靚好特別，所以就㩒入去望下。點知俾我發現原來唔係一般飾物而係有功效，叫「能量塔」，喺科學上可以改善到人體同環境氣場，我當時好驚喜！ 一直相信吸引力法則、人生需要積極正面嘅我即時迷上鑽研。再加上當時眼見身邊太多朋友受負面情緒困擾，不自覺咁影響生活同身邊人，所以好希望能夠提供一些幫助，為受困擾嘅人容易回歸正面思想。所以就開始製作，起初嘅成品會送俾身邊嘅朋友，之後就開始分享喺專頁。
有無咩製作理念？
每次製作前都會同客人溝通，盡量了解客人嘅喜好同祝願來製作，因為製作時靜心默念住客人的需求係有助提升注入嘅能量。除了專注喺基本功效之外，更會用心喺美觀同款式上，金字塔款係最基本同能量發放得最好嘅，但都會見到我有製作其他隨身飾品，因為我希望從而吸引一些未認識能量塔嘅朋友，容易令佢哋開始接觸正面嘅理念同感受能量塔嘅作用，就好似我當初接觸認識咁。同埋我亦好簡單希望收到能量塔嘅朋友覺得漂亮鐘意而感到快樂，感受到一份祝福，其實已經係正面嘅感受。又或是在失意時見到當是一種提醒，人生其實充滿希望。所以我自己婚禮上都為全場賓客送上Orgonite 為回禮小禮物，藉此表達感謝同祝福。
有無印象深刻嘅成功例子？
最深刻一定係我第一個製作嘅能量塔，我一開始接觸能量塔時已經係決定要送俾一位認識咗廿幾年嘅朋友。一直眼見佢感情路上似有還無，浮浮沉沉無真正感受過咁，但佢收到能量塔後好感恩佢開始了一段真正嘅感情，依家結埋婚了。仲有一個客人兩次都好驚喜地告訴我，老闆突然同佢講「加佢人工」。同埋我自己都試過將能量塔放在痛處，的確會感受到一陣舒緩。
未來會唔會有啲咩方向？
依家開始籌備緊開Workshop能量塔工作坊，因為喺親手製作過程中，參加者會感受到喜悅同期待，同時達到靜心嘅效果。也會嘗試接觸更多不同方面嘅領域，到時可以再分享俾大家。
《能量塔嘅歷史》
在1939年，奧地利的威廉．赫許博士發現將有機的玻璃纖維和無機的鋼絲絨堆疊在一起，可以吸引和收集正面和負面嘅orgone（乙太能量）。這個設備可以用來治療人們的疾病，包括常見的疾病與頑固的癌症。如果把orgone收集到特製的儲存器中，可以用來醫治從歇斯底里到癌症等等許多精神與肉體上的疾病。
在1986年，德國馬爾堡大學的科學家們發佈了一個實驗的研究結果，表明進行30分鐘orgone發射器的治療，確實能夠對身心產生持續且積極的效果。由此可見，orgone對人類身體和心理產生的影響是真實存在的。
在2000年左右，Croft夫婦把赫許博士的理論發揚光大，創造了我們現在所見的orgonite (能量轉換器)。他們將有機玻璃纖維樹脂和無機的金屬碎片混合在一起，還發現只要在裡面加入一些水晶，這股能量不僅能持續維持正面的乙太能量，還能將負面的乙太能量轉變成正面、積極的乙太能量，讓整體效果變得更加驚人。這是由於水晶寶石本身即具有正面和諧的能量，因此將水晶放入orgonite裡面，能夠形成一個更加穩定的能量結構。
Orgonite的好處
將負面能量轉換成正面能量
淨化大氣,淨化水質,幫助植物生長
減輕對人體有害的電磁波輻射
舒解壓力, 平衡情緒
有助淨化脈輪,喚醒您內在的心靈能量
提升睡眠質素
負能量的腦袋不會給你正能量的人生
