溫碧霞出席巴黎時裝週 水晶長裙率先欣賞Dior show

女神溫碧霞(Irene)應時裝品牌Chloe邀請日前抵達巴黎出席巴黎時裝週，昨日巴黎時間27日女神順手欣賞埋Christian Dior show，女神穿上一襲鑲滿閃亮亮水晶的Christian Dior吊帶貼身連身長裙，清雅脫俗中又帶着女神仙氣，相當耀眼奪目。

Irene於巴黎時間26日抵達，到埗後行程其實好緊湊，但她也急不及待出去遊覽觀光吸一吸巴黎清新浪漫空氣，更第一時間走去巴黎鐵塔享受一下浪漫，女神笑言：「暫時仲未抽到時間購物，（但有時間睇巴黎鐵塔？）哈哈，欣賞巴黎鐵塔緊要過Shopping，去到巴黎鐵塔好舒服，完全放鬆晒，平時所有工作的緊張全部冇晒，好奇怪去到巴黎你係唔會諗依家幾點？又唔會成日留意著手機留言，只會好享受環境。」

欣賞完Christian Dior騷後，Irene再會準備欣賞巴黎時間3月1日舉行的Chloe show，女神透露睇Chloe show當天她穿的服裝都會好靚。