【裝修知識】廚房插座應該點安裝？

廚房係家電使用率最高嘅地方之一，所以係裝修廚房嘅時候，佈置好廚房插座非常重要，因為廚房電器產品最多，所以用電一定要注意安全，廚房插座嘅佈置及安裝零舍重要，到底廚房裝修時插座安裝應該係咩位置呢？裝修佬話你知。

雪櫃插座位置 

一般來講插座應該安裝係距地面300mm位置，但由於雪櫃係使用過程中，背部300mm高嘅位置經常會散發大量熱量，所以考慮到雪櫃電源線長度一般係1.2m左右，所以雪櫃插座嘅位置最好係0.5m—1m之間比較好。 

抽油煙機插座 

抽油煙機插座一般係距地面2.2m位置比較合適，如果覺得唔美觀，亦可以將插座收埋係抽油煙機圍板後面，如果家用嘅係中式油煙機，咁插座最好位於抽油煙機中部25cm位置。 

微波爐插座位置 

從美觀上考慮，建議大家可以將微波爐插座安裝到微波爐後面，同時由於微波爐屬於高壓產品，所以一定要做好絕緣措施，插座安裝係微波爐後面會出現插頭難以拔出嘅情況，所以可以選擇帶開關控制插座，安裝係靠近微波爐嘅左後方或右後方。 

消毒櫃插座位置 

消毒櫃款式較多，根據唔同款式插座安裝嘅位置亦有所差異： 

（1）、掛牆式消毒櫃：一般距地面2m左右。 

（2）、立式消毒櫃 ：一般距地面0.5m左右。 

（3）、嵌入式消毒櫃：可以將插座隱藏係灶面下0.2m位置，但一定要避開煤氣喉，插座最好使用帶開關控制款式。 

其他電器 

電鍋、榨汁機等其他電器嘅插座，需要安裝係距離地面1.2m左右位置，但要避開水槽及灶台周圍位置。 

(文：艾華)

(以上圖片均來自網路，如有任何版權問題，請與本站聯絡)