各間大學嘅畢業禮都喺呢個月陸陸續續舉行，咁多位畢業生即將甚至已經踏入社會，做緊第一份full-time嘅工。
當正式踏足社會，可能大家都會覺得職場環境好複雜、同同事唔係咁夾、睇唔過眼刷鞋精等等。其實每一個打工仔都一定有共同嘅無奈感覺，以下呢6件事相信你一定有共鳴！
1. 永遠的Blue Monday
一星期最期待嘅就係五六日，但眨下眼過完兩日假期跟住又要返工，再次進入新一個星期嘅漫長等待。
2. 出糧日遇正假日，要遲出糧
每個月去到月尾手頭總係特別緊，要找卡數交屋租水電等等全部都要錢，對期期糧尾嘅朋友嚟講遲一日出糧都爭好遠！
3. 未做完手頭嘅嘢就被分派新工作
原本手頭上嘅工作已經夠多，忙到飯又食唔到、覺又瞓唔到，但上司一個唔該就再派新任務畀自己。
4. 未學嘢先學幫人「食死貓」
上司同老細永遠是對的，即使唔係你嘅錯，上司都可能將問題推卸落你身上，而你只可硬食……
5. 唔小心睇咗放假時老細send嚟嘅訊息
即使到左weekend，老細當然都唔會咁輕易放過你，當你24小時on call 處理公司事務，
6. 老細一行到，原來擾攘嘅同事立即收聲
同事之間最鍾意當然係吹水啦，正當講到氣氛好hyper嘅時候，老細突然間返嚟，就好似一盤冷水淋落嚟咁，大家都當堂收晒聲，擰轉頭做嘢。
（圖片來源：tumblr）
