影壇新貴Larine鄧月平早前演出多部電影作品，最近踩過界加入樂壇，推出首支派台歌《女神經》。她表示：「以前求學時期有參與話劇演出，亦有與朋友街頭basking。上年參選《美選D.n.A》節目，成功擠身影壇，已經完成我第一個夢想。今年就更有幸得到公司大力支持推出新歌，令我完成第二個夢想。可以話現階段人生係無憾！」

新歌更邀請金像獎填詞人陳心遙及監製戴偉度身打造。Larine指：「呢首歌係我嘅寫照，除了朋友之外，公司同事都發掘到我女神經的特質，好多想法都天馬行空，想法「跳」得好快，而且古靈精怪，鐘意整蠱身邊嘅人。今次推出第一首歌就決定講我自己，直接將我的性格寫出嚟，等大家都可以透過作品去了解我。」

早前Larine就為新歌《女神經》於拍攝MV，因應她的性格設計4款不同的造型，分別是「溫文」、「活潑」、「百厭」和「冷酷」，她笑言：「好鐘意MV之中嘅造型，因為無論妝容同感覺上都好唔同，可以表達內心不同的我。不過當日演繹的時候，就好似精神分裂咁，覺得好過癮！」





MV於甜品店拍攝，而且情節都很甜蜜，Larine大方分享愛情觀：「其實歌詞『剎那百厭會瞬間變乖』亦係我『女神兵』的親身經歷，以前讀書時候鐘意過一個男仔，經過調查之後知道他喜歡文靜的女生。而我本身性格好動停不下來，但為了接近他而特意改變，所以唱得特別有共鳴。而家雖然單身，但都會期待Mr. Right出現。就好似MV男主角一樣，願意去了解心底的我，一直喺身邊鼓勵和陪伴，咁就足夠喇！」