許嘉浩萬聖節貪靚唔化爛面裝

向來鬼馬的著名形象指導-許嘉浩(Karl Hui)趁Halloween節日扮鬼扮馬相約好友們到中環參加alive not dead Halloween Party，由Weekend玩到正日。以銀色閃亮造型登場的Karl於街頭閃亮全場，過馬路時仲閃襯司機哥哥。被司機哥哥望實時，Karl更鬼馬地問:「trick or treat?」沒有糖果在身的司機哥哥即場大笑並以車上的香口膠作回禮，相當搞笑。

派對上更有不同造型的打扮攤位，Karl為免遮住靚樣而對爛面恐怖血漿面部造型Say No。唯場內的紋身師傅畫上多個時款手繪紋身貼為Karl一嘗「紋身」樂趣。Karl表示細細個已經做Styling的工作，身邊好多人都叫佢做紋身又去釘環，但Karl話怕永久紋身既圖案總有一日不合時宜或者長大後心境心態有所改變而有感後悔，所以無去做永久紋身。

Karl直言鍾意一年一度扮鬼扮馬的Halloween，朋友們更會各出奇謀扮野。一大堆Party照片中，其中剛來港的著名英格蘭足球球星David James洋人面孔配上中國殭屍服加上Karl華人面孔配上屍新娘飾品。