雖然話兩人相處貴乎坦承，但其實好多時候男人為咗避免挑起女人嘅神經，有時候都係會選擇側側膊唔多覺地隱瞞。
到底男人最慣常呃住女人啲咩嘢呢？了解以下5點之後，就可以一眼睇穿男人心！
1. 尋晚幾點瞓
whatsapp講完晚安之後，你以為就對方就真係會乖乖瞓覺？其實由嗰刻起先係佢哋自由時間嘅開始！準備同佢最心愛嘅電腦或手機遊戲整晚愛得難捨難離……
2. 你身形嘅變化
女人最在意嘅就係自己嘅身形，3日唔埋就會問男朋友「點啊，我有無肥到啊？」。呢個時候為咗避免大戰一觸即發，男人都係會乖乖地答女人想要嘅答案。
3. 佢唔想同你屋企人相處
即使佢唔係唔鍾意你父母，但始終都唔想相處太多，因為對住長輩總係會表現唔自在，又可能聽到唔係咁啱聽嘅說話。所以記住要保持適當嘅空間比男人，唔好比佢咁大壓力。
4. 有關EX嘅嘢
現任嘅假想敵絕對會係自己嘅前度，尤其係女人呢種特別容易呷醋、妒忌嘅生物，所以無論現任問啲咩都好，男人都會二話不說地肯定「你無論喺方面都比我個ex好」。
5. 同異性朋友食飯
呢點其實都好容易理解，講咗出嚟會嬲，唔講但被發現就更嬲，所以女人如果想男人會主動同自己交代，建議首先你要令佢覺得你係唔會隨便嬲嘅、大方寬容嘅，咁男人自自然然就唔會咩都瞞住你喇。
（圖片來源：tumblr）
