動作鉅製《狂獸》鐵定11月23日於香港上映 釜山電影節觀眾勁讚水面打到水底成焦點 張晉、余文樂：「水底戲真係好難拍！」

新晉導演李子俊一嗚驚人，成唯一港片代表行釜山電影節紅地毯。
《狂》片動作稱霸 充滿港片特色。

2017第22屆釜山國際電影節（BIFF）早前開幕，整個釜山海雲台主會場座無虛席，而且紅地毯星光熠熠，觀眾的歡呼聲不絕於耳，場內外都熱鬧非常。今年太陽娛樂出品的電影《狂獸》、《殺破狼．貪狼》雙雙入選釜山電影節，《狂獸》更成為唯一港片代表行紅地毯，而有幸參展的香港代表則有《狂獸》新晉導演李子俊與監製黃柏高Paco走上紅地毯，更正式宣布《狂獸》鐵定11月23日於香港上映。二人完成釜山之旅後將回港參與香港亞洲電影節，更會於11月2日率領片中演員張晉、余文樂及林家棟等參與亞洲電影節隆重首映。

同日，電影公司發放正式預告，預告中曝電影三大必睇位，包括：Janice Man佐敦放水炸彈、余文樂漁民樂蜑家（水上人家）生活及10號風球巨浪視覺刺激。有韓國媒體勁讚《狂》片：「最欣賞《狂獸》當中的動作埸面，是典型有香港特色的動作電影！」

對於香港上映正式確定，一眾主創大感期待：導演李子俊：「我自己有參與過徐克導演在水底拍的電影，叫《深海尋人》。由呢部電影開始，我學潛水，之後我就喜歡咗呢項運動，所以就設計咗水底嘅打劫場面，類似暗殺的方法去拍攝一部水底動作戲。」

而動作巨星張晉認為今次演出是一大挑戰：「最難忘一定係水底打動作招式，特別係水底拉威也。喺水面拉威也同水底拉鋼絲，完全係兩回事。想像唔到原來水底拍戲係咁辛苦，而且冇氧氣瓶嘅情況下打鬥，係一個好大挑戰，真係好難拍！」

首次在電影大打的余文樂表示：「由導演當日同我講，想喺水底拍一個十號風球嘅劫案，我已經同佢講，係唔容易挑戰的一件事！喺睇片嘅時候我都十分驚訝，導演可以拍得咁成功！希望大家11月23日入戲院支持！」