生活。生存。生活氣息

最近，分別到了北京同歐洲，遊走了幾個星期。在北京，除了開會同happy hour meetup之外，仲遊歷左北海公園、白塔、軍事博物館、首都博物館等地方。

除左鼻血留了幾日同皮膚變差之外，其他野都仲頂到，包括三里屯有工程又唔夠之前咁好氣氛、塞車一樣嚴重等。

在歐洲，則主要留在荷蘭，Randstad區四大城市去齊，又搭過曬intercity火車，Utrecht、Rotterdam、Amsterdam、the Hague各有特色，最鍾意睇Rotterdam 的奇特建築群，又很喜歡the Hague的海灘同摩天輪，最後仲去左睇風車，好喜歡在街上隨意閒逛影吓相的感覺。而比利時的Brussels和 Antwerp，就比較喜歡後者，因為條河靚好多。德國，就去左Dusseldorf，很工整的一座城市。

香港人去到歐洲認識朋友，通常他們都問，點解要在香港捱？香港好辛苦呀？工作壓大超大呀！香港人大陸人好衰呀！屋企咁細點住呀？幾百條問題，有時，我都唔知用咩角度、點解釋，畢竟，mindset同生活體驗完全唔同，所以，我都係一句，「香港係咁樣生活架啦」就算。

其中，有幾天住在荷蘭朋友家，大概800幾實呎，兩睡房，一個L型open kitchen，一個露台，一個浴室，一個廁所，一個細小的工作間房仔，位處二樓，屋企大門一推，會望到一片大公園的草地及日出，而廳的另一邊是望住開揚的社區景。

朋友買的時候，因為是新社區發展的project又是樓花關係，比較便宜，當時只用了大概13、14萬歐元左右買入，宜家，應該有唔錯的升幅呢，起碼已升了20、30%吧。其實，一個人住，平時單車出入，來往返工、做gym、去市中心買野，都係20分鐘左右的單車路程之內，算方便亦健康當做運動。空氣好，生活好，環境好，不過，對我來講，真係好簡單，真係太單調，有時真係太俺悶。我問朋友有無興趣來香港發展，佢話香港無咩好，去過一兩次就夠啦，玩就okay，住就咪搞。

回到香港之後，同了一位加拿大朋友食tea傾開，他來自Montreal，不過家人都住在Vancouver，因為工作關係，他常來香港、泰國同其他東南亞國家。最近，他說他想計劃撤出大陸同香港市場，宜家已把很多時間放在Bangkok，仲想完全離開大陸呢！他愈來愈強調，香港真係係個hell city，尤其是近幾年的發展令他覺得香港不宜久留。對佢來講，泰國才是天堂，「…who the hell is gonna staying in HK or China for sightseeing?」這是他的last comment。

雖然我們的司機有時濫收加拒載，鍾意未經證實就周圍share唔太精確的消息，隨意網上comment批評人，無咩耐性無咩empathy無咩空間無咩人情味，不過，起碼去廁所唔收錢，晚上有街行，有宵夜食，公共交通一流，做咩都相對效率高，都仲有可愛的地方呢！講生活氣息，都係亞洲好些；不過，講靈氣同quality of life，歐洲會比較優勝同平衡些啦！