吳麗珠幫夏雨「教仔」 為過戲癮接拍劇集

吳麗珠（珠女）與夏雨之子黃奕晨（Dixon）拍攝ViuTV劇集《未來還未來》，珠女就話自己同夏雨好老友，仲不時同Dixon分享昔日片場往事：「我同夏記（夏雨）真係好老友，一陣要同Dixon影張相傳比佢睇！（怕唔怕Dixon緊張成日NG？）呢個要睇佢有冇天份啦，我都做過新人，呢啲要經驗累積嘅！」。

珠女就話依家接劇過戲癮，所有角色都想演：「我試過上午做個好惡麵檔老闆，下午就要做上市公司主席，真係咩角色都做，呢啲就係拍戲嘅過癮之處！」。

Dixon就話同珠女姐拍戲緊張，怕自己NG多會被「報串」：「其實珠姐姐好好人，仲同我講番當年爸爸拍節目往事！有前輩係度我都打醒十二分精神，早一個星期開始做功課入戲！」。