最型潛水衣全港得一件！杜德偉著「西裝」衝浪 鬥耐力完勝對手

杜德偉（Alex）早前參加四川電視台最後一期《圍爐音樂會》的壓軸嘉賓，在節目真人騷部分須接受特別任務，Alex 說：「電視台叫我諗吓有咩想做，我之前一直都有玩開滑水，但放低咗一段時間，加上未試過衝浪，所以就膽粗粗提出挑戰衝浪。」

怕被老婆詐型

「時裝達人」Alex 連玩水也一字記之曰：「型」，當天電視台進行直播時，見他一身斯文「西裝look 」迎戰室內衝浪，原來是早前在時裝周成功掀起話題的Thom Browne「西裝造型潛水衣」。Alex 對這件玩味潛水裝情有獨鍾，專程由歐洲訂了回香港，他說: 「當知道電視台有安排衝浪的環節時好開心，因為原本以為今個夏天應該無緣着呢件咁特別嘅衫，現在有機會着到，唔會俾老婆話我買埋啲無謂野返屋企，哈哈！」玩水都要有型，主持人見到也嘩嘩聲，更話 Alex 未落水已經完勝，霸氣盡現！

重新愛上玩水

成功買得心頭好的 Alex 在節目拍攝當日穿起「西裝潛水衣」，在衝浪板上做出多個高難度動作，有姿勢有實際，令在場一班女工作人員暈晒大「浪」！其中一個環節，他與其他嘉賓各站在衝浪板比拼耐力，最後 Alex 成功勝出，相當威水！事後，他表示：「第一次玩衝浪感覺同滑水好唔同，開頭都好緊張會平衝唔到，但最後都捉到個竅門，覺得幾容易玩，令我重新愛上水上活動！」