蘇志威孖囡囡快閃整鞋墊 楊思琦關注小朋友足部問題

由全面足部健康方案公司BIOME，聯同香港復康力量舉辦的《走出你未來慈善起動禮》，昨日(10日)假荃灣愉景新城取得圓滿成功；星級嘉賓楊思琦、蘇志威現身支持活動。BIOME於活動期間送出共十份的私人訂製鞋墊，同時又即席揀出現場觀眾提供儀器測試，並採用法國SIDAS科研系統得出的結果進行分析，當中包括：「靜態站姿分析」、「動態站姿分析」等，三十分鐘內即可為該幸運觀眾製造出獨一無二的鞋墊，而相對於傳統的打石膏模做鞋墊方法，BIOME所提供的技術足足快了幾十倍，令在場不少市民都紛紛表示好奇！

而對於是日主題「贏在起步前」，星級嘉賓楊思琦現身時坦言非常關注小朋友的足部問題，包括偏平足、O型腳、X型腳等問題，更憂心自白：「以前讀書嗰陣，因為要籃球校隊訓練，搞到周身傷成日拗到腳，由選港姐到依家，每次着親高踭鞋都係要忍痛，我已經試過坊間好多唔同既方法，但都唔可以完全話康復到…… 所以小朋友由細個開始，真係要多啲注意下腳部健康，我依家都會多啲留意住囡囡平時嘅步姿，同埋會細心幫佢揀返啱佢嘅鞋墊，如果唔係隨時會影響到一世人架！」

另外，身為香港復康力量星級大使的蘇志威，亦攜女現身支持活動，並計劃完成工作後即同囡囡一起做足部測試，「平時去做鞋墊倒模實在係等得太耐喇，有時父母都忙住做嘢的話，真係會忽略咗小朋友嘅足部健康，有時就算發現咗，都未必可以即刻同佢哋一齊去做檢查！依家有左呢個法國技術，各位家長就唔可以再搵藉口話忙唔去檢查，而且個分析大人小朋友都可以做，Weekend既親子活動抽好少時間嚟做個分析，就可以擁有健康美足，真係唔好再懶喇！」而為感謝蘇志威身體力行支持慈善，香港復康力量更於活動中向他致送感謝狀，為是次起動禮劃上完美句號。