廉航周不時都會推出超平機票嘅促銷優惠，價錢未連稅有機會只係8蚊、10蚊嘅銅板價。但要成功搶到就咁係咁易喇，事關要同一大班餓狼爭奪。有唔少人更打定輸數，覺得自己無可能搶到，遇到推廣索性理都唔理。
其實唔使咁灰嘅，只要掌握到方法，搶到平機票不是夢！
1.唔使太早訂飛
機票喺啱啱開始發售嘅時候定價都會比較高，但推出咗一陣後，通常航空公司都會調整價格或出promo，所以大家就要喺呢個時候把握機會入手。
2.唔好真係LAST MINUTE先買機票
唔好以為臨飛前嗰幾日買飛會最平！因為時間趕急，臨尾買反而會更貴，所以最少都要兩星期前買好機票。
3.時間點很重要
外國網站嘅調查數據指出，大約喺旅行前47日買機票就會以較好嘅價位買到機票，唔使執著一定要去到最平先買，因為價格隨時都會變。
4.長假期一定要預早訂飛
如果想喺長假期旅行，唔單止唔好諗住有平機票買，而且仲要盡快買飛，如果唔係隨時連位都無！
5.研究1-4個月內嘅票價走勢
留意住旅行前嘅27-114日期間嘅價格走勢，通常平機票都會喺呢段期間推出！
（圖片來源：tumblr）
