鄧紫棋(G.E.M.)26歲生日的大日子,各地粉絲分別為她送上不同的生日驚喜。早前在香港出席頒獎禮後,G.E.M.特意抽空到會場外與粉絲近距離見面,超過百名歌迷守候,並驚喜送上大蛋糕及生日卡,氹得壽星女笑到見牙唔見眼。G.E.M.在切蛋糕時高呼:「我唔會切到底㗎!我唔會切到底㗎!」,事關有都市傳說流傳生日蛋糕一刀切到底的話,恐會「嫁唔出」。G.E.M.笑言:「我每個蛋糕都唔會切到底,因為我都係比較傳統諗法,唔係驚會嫁唔出,但係生日始終都要講意頭㗎嘛,哈哈!」其後,她與粉絲們敘舊合照,又與一些未能到場的歌迷玩視像電話聊天,場面溫馨。




歌迷Encore送蛋糕
G.E.M.日前抵新加坡舉行踏入26歲前最後兩場「Queen of Hearts世界巡迴演唱會」,在Encore環節,當地歌迷準備了鮮花及蛋糕,高舉「生日快樂」大型橫額送給台上的壽星女。又驚又喜的G.E.M.不忘將祝福分享給另一生日的歌迷,帶領全場唱生日歌,又在自己收到的生日花束中抽出一朵送給對方。G.E.M.表示在正日生日前已收到滿滿的愛及生日驚喜:「蛋糕都收左好幾個喇,最驚喜係喺演唱會上,歌迷突然推咗個蛋糕出嚟,全場8000人唱生日歌畀我聽。我感覺好似開咗個大型嘅生日Party,有8000個人同我玩咁,好難忘。」不過美中不足的是,由於她正忙於備戰9月15-17日紅館演唱會,即使面對蛋糕誘惑,也只能「眼看口勿動」。



正日與朋友食飯慶祝
而今年G.E.M.的生日願望是希望與粉絲齊做善事回饋社會,呼籲歌迷捐出「81.6」人民幣或「8.16」美金給慈善機構「Mending Kids」,幫助患有先天性疾病的兒童。她說:「我以前細個成日有好多唔同嘅願望,但慢慢人大個咗,發現生日願望都係好簡單,就係身邊嘅人健康快樂。我知道有好多粉絲都好錫我,希望可以將呢份愛錫祝福到更多人。」G.E.M.又透露今年生日本來打算留在新加坡當旅行慶祝,不過生日翌日須投入工作,所以完成獅城演唱會後,隨即回港與家人朋友簡單吃飯慶祝。




 新加坡開8000人生日Party G.E.M.堅持蛋糕唔切到底:唔係驚嫁唔出!

 https://www.facebook.com/JetsoApp