英國一間科技公司計劃與Airbus合作，一齊研發透明飛機，並發佈一系列構想圖。
客機機身將採用OLED技術，360度透明嘅機身不但可以畀乘客全天候睇到一望無際嘅天空，而且仲可以化身成多功能觸控屏幕，真係夠晒高科技啊。
搭長途機嘅旅客更可以觀察到唔同時份的高空景緻，由日出、日落到滿天星空都一覽無遺。但如果唔好彩飛機進入雷雨區，甚至乎係遇到氣流，望住又閃又光嘅巨型閃電同埋唔穩定嘅氣流雲團，真係隨時嚇到瀨尿……你又敢唔敢坐呢？
除咗同其他公司合作之外，原來Airbus自己都打算研發透明客機，但方案有啲唔同，只係機身嘅上半截會用透明物料製造。
小編就覺得一半透明好似可取啲，起碼可以腳踏「實地」吖嘛。身處高空三萬呎低頭望向下面，就算本身無畏高，都一定嚇到暈！
飛機內部設計
（圖片來源：pixpo）
