工作壓力逼人，想走出壓抑嘅空間，好多人嘅選擇係出國旅行，就算現實逃離唔到香港，都可以行開幾日散吓心，回個氣先再返嚟搏殺。
你又知唔知道原來12星座根據佢哋嘅性格特徵，係適合去唔同嘅地方呢？決定下一個目的地前，不妨參考吓以下嘅建議，隨時仲可以幫你增強運勢添！
1. 水瓶座 (1/20- 2/18)
大溪地 Bora Bora
水瓶座享受屬於自己嘅悠閒時光，既擁有超豪華resort，海水又好似寶石一樣咁綠嘅Bora Bora就啱晒佢哋喇。
2. 雙魚座 (2/19 - 3/20)
意大利 佛羅倫斯
無論係歷史、博物館、音樂抑或係食物，思想浪漫嘅雙魚座絕對會愛上佛羅倫斯嘅藝術氣息。
3. 白羊座 (3/21 - 4/19)
夏威夷 茂宜島
好動而且愛歷險嘅白羊座一定會喜歡島上刺激又精彩嘅水上活動，而且當地仲有好多景色靚得令人窒息嘅遠足路線。
4. 金牛座 (4/20 - 5/20)
西班牙 巴塞隆那
巴塞隆那係西班牙第二大嘅城市，當中充滿文化氣息嘅景點、高尚嘅購物商場以及美食都會係金牛座喜愛嘅旅遊元素。
5. 雙子座 (5/21 - 6/20)
法國 巴黎
鍾意交際嘅雙子座，巴黎作為全球最受歡迎嘅旅遊地點之一，就絕對適合佢哋嘅口味喇，因為過程中一定可以識到唔少新朋友！
6. 巨蟹座 (6/21 - 7/22)
馬爾代夫
相信無嘢比喺水中好好地放鬆更適合巨蟹座，而且仲可以同親近嘅朋友或家人一齊到馬爾代夫，好好發揮鍾意照顧別人嘅特質。
7. 獅子座 (7/23 - 8/22)
英國 倫敦
倫敦嘅發展急促，忙碌嘅節奏貫穿整個城市，最適合喜愛發掘新事物嘅獅子座。
8. 處女座 (8/23 - 9/22)
印尼 峇里島
喜愛自然同野生動物嘅處女座一定會被峇里嘅自然風光吸引，無論靜態定動態嘅活動都咁多元化，絕對滿足到處女座嘅需要。
9. 天秤座 (9/23 - 10/22)
加拿大 愛德華王子島
溫柔恬靜嘅氣氛係天秤座最喜歡嘅環境，加拿大嘅愛德華王子島省就係最適合天秤座靜靜思考同感受自然嘅地方。
10. 天蠍座 (10/23 - 11/21)
南非 開普敦
充滿生命力同澎湃嘅熱情，夜生活同自然風光都同樣咁精彩嘅開普敦就最適合天蠍喇。
11. 人馬座 (11// 22 - 12/21)
意大利 羅馬
無時停嘅人馬座比起任何一個星座都更好動，羅馬就擁有所有人馬最愛嘅食物、文化、天氣同埋多元嘅旅遊點！
12. 山羊座 (12/ 22 - 1/19)
泰國
離開繁重嘅工作去旅行對責任感重嘅山羊座嚟講無疑係種負擔，所以近近哋，又多美食又可以按摩輕鬆一吓嘅泰國休閒之旅就最適合山羊座喇。
（圖片來源：pinterest）
