相信大家對「毒」都有一定嘅理解，甚至乎馬上就會聯想起身邊幾個「毒」嘅代表人物。毒獨們經常都封閉自己，或者沒人理睬，他們最需要嘅就係既唔使花費，又可以打發時間嘅消遣。
盛產宅男嘅日本就此話題喺《2ch》論壇就有深入嘅討論，最後總結出以下8種最適合佢哋嘅消閒運動，當中有啲真係聽到都毒味濃郁！
1. 釣魚
既可以親近大自然，就唔需要有伴先玩到，仲可以釣幾耐都得，完全由自己掌控。
2.觀察人類
因為融合唔到大眾，就唯有企喺遠遠地觀察啦……可能作為局外人會有更獨特嘅見解呢！
3.慢跑
跑步係促進心肺功能嘅一項好好嘅運動，而且仲有好多陽光運動型嘅女仔都經常會外出慢跑，話唔定呢個就係脫毒嘅好機會！
4.砌積木
自己同自己玩層層疊，都不失為一種左手對戰右手嘅益智活動吖……
5.背圓周率
圓周率3.14之後係咩數字？專門研究理數嘅毒獨們不妨試吓記住佢，話唔定你就係將來嘅愛恩斯坦。
6.抄佛經
呢樣聽落咁似古代啲大嬸會做嘅？其實抄佛經除咗可以修心養性，仲可以積陰德，話唔定下一世就唔使再做毒男！
7.睇廢文、post廢文
大家無所事事嘅時候一定會碌手機同睇電腦，毒獨們就更加唔使講啦，簡直就係生活日常，甚至乎會不斷share同post廢文嚟刷存在感.
8.搭訕
嗯……唔知日本嗰邊係咪睇《你的名字》睇到上腦呢？如果你嘅外型唔討好，亂咁喺街同人搭訕，恐怕最後只會喺警署落口供。
（圖片來源：dorktees、tumblr）
