一段愛情係需要雙方努力維繫先可以走落去，假使兩個人最終都要分開，除咗性格不合之外，相信最常見嘅理由都係其中一方有第三者。
而男性有第三者嘅情況就更加普遍，唔想對方偷食？首先你要知道男人需要啲乜。如果檢討完，覺得自己處理感情嘅方式真係有問題嘅話，就要趕喺對方偷食前解決問題！
1.明白對方
如果女朋友總係唔嘗試理解同明白對方，會令男人覺得寂寞同缺乏支持。
2. 時間表永遠排到密密麻麻
假如女朋友總係將工作擺喺第一位、忽略另一半嘅話，會好容易令對方喺外面揾第二個人陪……
3.性嘅滿足感
相信世界上無一個男人唔鍾意「床上運動」，如果女朋友總係漠視男人嘅性需要，或者喺床上成條「死魚」咁，會令對方覺得你唔投入，咩mood都無曬。
4.總係有嘢唔滿意
假如女朋友總係鍾意找對方麻煩，以挑出男人嘅錯處為樂，咁唔單止會令對方好辛苦，仲會令佢覺得你唔識體諒佢，唔係一個可以長久發展嘅對象。
5.經常講大話
互相信任係一段關係最重要嘅基石，假如你被對方發現講大話，兩個人之間就會出現裂縫。
6.財政上倚賴男人
假如你咩都叫晒男朋友畀錢，咁只會令對方覺得你當佢只係一部提款機。
7.控制慾過盛
咩都要問長問短、check住對方嘅聊天紀錄同行蹤，咁只會適得其反，令佢更想擺脫你嘅「魔爪」。
8. 唔體貼
男人最希望有一個明白事理、識得關心佢嘅伴侶，所以作為另一半要好好觀察對方嘅需要。
9. 欠缺自理能力
如果連自己屋企嘅物呂都唔執拾，好難畀信心對方，覺得你有能力照顧到佢。
10. 唔能夠為男方作好嘅決定
男人長遠係會想揾一個夠理性、會思考，甚至乎可以幫佢做決定嘅另一半，而唔係咩都倚賴佢或成日發脾氣嘅小朋友。
（圖片來源：tumblr）
