「易賞錢」推全新手機 App，師奶必備！

講起科技，好多朋友都會疑惑，點解人人都用嘅會員卡、優惠劵到今時今日都仲未「App」化，唔通真係師奶唔識用手機？

當然唔係，香港師奶一早識用手機，仲識用 WhatsApp 來 Send 長輩圖，每日用手機嘅時候分分鐘多過你同我，所以大型零售商其實都準備好，開始將舊式嘅會員卡、優惠卡來個全面革新。

誠哥旗下嘅屈臣氏宣佈「易賞錢」新手機 App 登場，大家只要下載就可以查閱積分及儲積分，另外也都有近年流行嘅「互贈」功能，可以將積分轉贈家人朋友，唔駛再成家「共享」一張積分卡。

今次嘅積分卡同步適用於屈臣氏、百佳、TASTE、豐澤等等，而根據屈臣氏方面透露，「易賞錢」現時已經有 360 萬會員，當中約兩成是 30 歲以下人士，這次提供的手機 App 可望吸引更多年輕用家。

我們簡單的查找了一下 Google Play，新的「易賞錢」App 已經可以下載，用開嘅朋友不妨慳返張實體卡。