無論男女對伴侶出軌都非常敏感，但到底實質嘅定義係點呢？點先算係出軌？去到點樣嘅出軌就不能接受？精神出軌與肉體出軌邊樣難接受啲呢？以下就同大家睇吓外國嘅研究結果揾出真相啦！

美國查普曼大學大學（Chapman University）就「男女出軌嘅定義」訪問咗6萬4千多位異性戀男女。結果顯示，當中不能接受「肉體出軌」嘅男性佔54%，而女性只佔35%。同肉體出軌相反，不接受「精神出軌」嘅比例則為女比男多，男女比例分別佔46%及65%。

點解男女對精神出軌同肉體出軌兩者嘅睇法存在咁大差異呢？專家分析指咁係因為男女情感思考模式好唔同。女性會覺得愛情中最重要嘅係兩個人情感嘅連結，假設男方喺精神上出軌，咁就等如背棄咗原來嘅感情，破壞咗女方眼中最重要嘅感情根基，並唔只係肉體上一時受唔住誘惑。

相反，男性會覺得如果女方有「肉體出軌」嘅行為，咁等如踐踏佢嘅尊嚴，尤其係喺「性能力」方面，咁係一種不能容忍嘅侮辱。但如果只係精神出軌，男性會覺得咁只係好初步嘅階段，未存在實質嘅背叛。

你哋又有咩睇法呢？

（圖片來源：tumblr）