BB 禮物推介！呢幾樣收到應該幾有用

上一篇講完最好唔好送畀初生BB嘅物品，今次就講下收到應該幾開心嘅禮物丫！

紗巾

紗巾真係相信無媽媽會嫌多，因為一日餵幾餐奶真係要用好多條紗巾，有時吐奶又要用紗巾，所以有幾打紗巾真係好正常！

和尚袍

由於較難為新生嬰兒穿過頭衣服，所以不少媽媽會選擇為他們穿和尚袍，因為容易穿著之餘，換片亦非常方便。加上小朋友容易弄濕衣服，分分鐘一日要換上幾件，故此和尚袍又是不會嫌多的ITEM！

SIZE方面，建議可以預大少少，起碼可以著多幾次，如果太細件的話(如3至6個月)，BB可能好快就唔啱著了。

有機衣物

由於小朋友肌膚幼嫩，所以有機衣物對他們來說比較合適，但通常有機產品都比較貴，如果有人送就好嘞！

禮券、現金券

買護理產品店或超市現金券，對父母來說都算實用，因為他們可以選擇自行購買適合BB的奶粉、尿片。