養寵物嘅人比人感覺的確特別有愛心，但對於吸引異性又係咪真係有用呢？

根據最新由Petsies所作嘅研究顯示，1000名參與者中分別會帶住唔同大小同年紀嘅狗仔，要受訪者評論邊類感覺比較吸引。

結果顯示，帶住狗仔嘅男士比起其他無寵物嘅男人性感度高出24%，而可靠同吸引程度就分別高出14%同13%。咁若果帶住成年嘅狗呢？原來都可以提升你嘅性感指數，但效果就無小狗咁顯著。

至於size方面，原來帶住唔同大小嘅狗喺吸引程度上都有分別！中小型嘅狗比起無狗嘅男士性感3.4%，相比大狗就只係高2%。但喺可靠度上嘅數據方面就有好大對比，帶住大狗嘅主人可靠度高出12%，細狗只高8.5%，而中型狗就只得高6%。

以上嘅數據分析當然只係畀大家參考，養咩大小、咩類型嘅寵物都好，都要諗清諗楚，因為主人係要負起養育毛孩一生一世嘅責任㗎。仲有就係，支持領養代替購買！

（圖片來源：tumblr）